अपरिचित व्याक्तिको गोली प्रहारबाट वीरगन्जमा एक महिला गम्भिर घाइते



वीरगन्जमा मंगलबार बिहान अपरिचित व्याक्तिको गोली प्रहारबाट एक महिला गम्भिर घाइते भएकी छन् । वीरगन्ज उपमहानगरपालिका वडा नम्बर १४ पिपराका धीरेन्द्र पटेलकी श्रीमति २३ वर्षिय निलु पटेल अपरिचित व्याक्तिको गोली प्रहारबाट गम्भिर घाइते भएकी हुन् । निलुको दाहिने कन्चट पछाडिको भागमा गोली लागेको छ । उनको अहिले वीरगन्जको नेशनल मेडिकल कलेजको आइसियु कक्षमा उपचार भइरहेको छ । आफनो सुत्ने कोठामा बिहान एक बजे तिर गोली लागेको अवस्थामा श्रीमान् धीरेन्द्रसंगै भेटिएकी निलुलाइ घरपरिवारका सदस्यहरुले शुरुमा गण्डकमा रहेको वीरगन्जल हेल्थ केयर अस्पतालमा लगेको र त्यहा उपचार सम्भव नभएपछि उनलाइ नेशनल मेडिकल कलेजमा लगिएको हो । घरपरिवारका सदस्यहरुले निलुलाइ अपरिचित व्याक्तिले गोली हानेर घाइते बनाएको बताएपनि घटनामा निलुकै घरिपरिवारका सदस्यहरुको संलग्नता रहेको आशंका उनका छिमेकीहरुले गरेका छन् । निलुका श्रीमान् धीरेन्द्रलाइ प्रहरीले नियन्त्रणमा लिएर अनुसन्धान गरिरहेको पर्साका प्रहरी नायव उपरिक्षक चक्रराज जोशीले बताउनु भयो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन