अमेरिकाले मंकीपक्स संक्रमित हुन सक्ने आशंकामा २७ राज्यका २ सय जनालाई निगरानीमा



वीरगन्ज, ७ साउन । अमेरिकाले मंकीपक्स संक्रमित हुन सक्ने आशंकामा २७ राज्यका २ सय जनालाई निगरानीमा राखेको छ ।हालै नाइजेरियाबाट अमेरिका फर्किएका टेक्ससको डल्लासका एक व्यक्ति मंकीपक्स संक्रमित पाइएपछी ती ब्यक्तिको सम्पर्कमा आएका र सम्भावित सक्रमितलाई मध्यनजर गर्दै २ सय जनालाई निगरानीमा राखिएको हो ।

निगरानीमा राखिएका २ सय जना ती बिरामीसँग ६ फिटको दूरीभित्र रहेर विमानमा यात्रा गरेका यात्रुदेखि विमानमा उनले प्रयोग गरेको बाथरुम प्रयोग गर्नेहरु समेत छन् । यसबाहेक उनको नजिक गएका फ्लाइट अटेन्डेन्ट, पछि बाथरुम सफा गरेका कर्मचारी तथा बिरामीको सम्पर्कमा आएका परिवार र आफन्तको पनि निगरानी भइरहेको छ ।लागोसबाट टेक्सस फर्किने क्रममा नाइजेरियाली ती नागरिक यही जुलाइ ८ र ९ का दिन बीचमा जर्जीयाको एटलान्टा शहरमा बसेका थिए ।

यसको करिब एक हप्तापछि उनी संक्रमित भएको पुष्टि भएको थियो । मंकीपक्स संक्रमण हुँदा फ्लुजस्तै लक्षण देखिनुका साथै शरीरमा दानाहरु देखा पर्छन् । यो संक्रमण शरीरको तरल पदार्थ र श्वास प्रश्वास मार्फत एक मानिसबाट अर्को मानिसमा सजिलै सर्ने गरेको छ । संक्रमण पुष्टि भएपछि यी व्यक्तिलाई अस्पतालमा आइसोलेसनमा राखिएको छ ।

मंकीपक्स संक्रमितमध्ये करिब १० प्रतिशतको मृत्यु हुने गरेको छ । चीनमा मंकीपक्स भाइरसका कारण गत मंगलबार मात्रै एकजनाको मृत्यु भएको थियो ।एजेन्सी


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि