असोज महिना लागेपछि मात्रै प्रदेश २ मा सवारी दुर्घटनामा परी १४ जनाको मृत्यु



वीरगन्ज,१३ असोज । असोज महिना लागेपछि मात्रै प्रदेश २ मा सवारी दुर्घटनामा परी १४ जनाको मृत्यु भएको छ । असोज १ गतेदेखि आजसम्म १४५ सवारी दुर्घटना हुँदा १४ जनाको मृत्यु भएको प्रदेश प्रहरी कार्यालयले जनाएको छ ।यो अवधिमा दुर्घटनामा सबैभन्दा बढी मृत्यु सिरहामा भएको छ । यस अवधिमा सिरहामा ६ जनाको सवारी दुर्घटनामा मृत्यु भएको छ ।

यस्तै धनुषामा ३ जना, सर्लाहीमा २ जना तथा सप्तरी, रौतहट र बारामा १÷१ जनाको मृत्यु भएको प्रदेश प्रहरी कार्यालयका प्रवक्ता प्रहरी उपरीक्षक कृष्ण प्रसाईंले जानकारी दिनुभयो । यो अवधिमा १४७ जना दुर्घटनामा परी घाइते भएका छन् ।

सबैभन्दा बढी रौतहटमा ३६ जना, सप्तरी र धनुषामा ३०÷३० जना, सर्लाहीमा १६ जना, सिरहामा १४ जना, बारामा १० र पर्सामा ३ जना घाइते भएका छन् ।सबैभन्दा बढी दुर्घटना धनुषामा भएको छ । धनुषामा ३४ वटा दुर्घटना हुँदा सप्तरीमा ३२, रौतहटमा २४, सर्लाहीमा २१, बारामा १३, सिरहामा ११, महोत्तरीमा ७ र पर्सामा ३ वटा दुर्घटना भएको छ ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि