आलुको बोरामा लुकाएर ल्याउँदै गरेको ५० राउन्ड गोली सहित दुई जना पक्राउ



साउन ४ बी्रगंज
पर्सा प्रहरीले ५० राउन्ड गोली सहित दुई जना मानिस पक्राउ गरेको छ । पक्राउ पर्नेमा साविकको वागवाना गाविस वडा नं ७ मनवाटोल र हाल पर्सागढी गाउँपालिका १ बस्ने ५५ बर्षका क्षेत्री चौधरी र २१ बर्षका रामकिशुन चौधरी रहेका छन् । चेकजाँच गर्ने क्रममा उनीहरुको साथबाट १२ बोरको बन्दुकमा लाग्ने गोली ५० थान बरामद भएको जिल्ला प्रहरी कार्यालय पर्साका प्रहरी उपरीक्षक सुदिप गिरीले जानकारी दिनुभयो । जिल्ला प्रहरी कार्यालय पर्सामा बुधबार पत्रकार सम्मेलन गरेर गोली सहित चौधरीद्वयलाई सार्वजनिक गरिएको थियो । मनवा र रंगपुरटाँडीको बीच बाटोमा ना ४५ प ९११६ नम्बरको निलो रंगको एक सय सीसीको प्लाटिना मोटरसाईकलमा सवार उनीहरुले शंकास्पद व्यवहार देखाएपछि प्रहरीले चेकजाँच गरेको थियो । प्रहरीका अनुसार चामलको बोरमा आलु बोकेर आउँदै गरेका उनीहरुले आलु भित्र गोली लुकाएर ल्याएका थिए । गिरीका अनुसार क्षेत्री र रामकिसुन गाँजा र काठ तस्करीमा संलग्न गिरोह रहेको र उनीहरुले गाँजा र काठ तस्करीमै प्रयोग गर्नका लागि भारतबाट गोली लिएर आएको तथ्य खुलेको प्रारम्भिक अनुसन्धानले देखाएको छ । पत्रकार सम्मेलनमा क्षेत्रीले यसअघि २०६७ साल असार ३ गते काठ तस्करीको क्रममा वन रक्षकलाई कुटपिट गरी घाइते बनाएको जानकारी दिनुभयो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन