उदाउँदै गरेको सूर्यलाई आज बिहान अर्घ दिएपछि चारदिने महाअनुष्ठानको पर्व छठ सकियो



वीरगन्ज, २५ कात्तिक । उदाउँदै गरेको सूर्यलाई आज बिहान अर्घ दिएपछि चारदिने महाअनुष्ठानको पर्व छठ सकिएको छ । हिजो अस्ताउँदै गरेको सूयलाई अर्घ दिएका व्रतालुहरूले बिहान उदाउँदै गरेका सूर्यलाई अर्घ दिएका हुन् । योसँगै सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने तराईवासीको महान चाडको उल्लास अब सकिएको छ ।

प्रकृतिको पूजा गर्ने पर्वको रुपमा परिचित छठका लागि झिलिमिलि पारिएका नदी, खोला र पोखरीस्थित छठघाटमा व्रतालुहरु बिहान उज्यालो नहुँदै पुग्छन् ।बिहान छटघाट पुगेपछि व्रतालुहरुले शिरशोप्तामा पुजा गर्छन । उदाउँदो सूर्यलाई अर्घ दिएर पूजापाठ गरेपछि छठ पर्व विधिवत रुपमा समापन हुन्छ । छठको चौथो तथा अन्तिम दिनलाई भोजपुरी भाषामा ‘बिहनइया’ अथवा ‘भोरे घाट’ भनिन्छ ।

छठघाटबाट घर फर्किएपछि इनार, गाईलगायत चलनचल्ती अनुसार आसपासका मन्दिरहरुमा पूजा अर्चना गरिन्छ । व्रतालुले आफूभन्दा आदरणीय व्यक्तिसँग ढोगेर आशीर्वाद लिन्छन् र सानालाई आशीर्वाद दिन्छन् । त्यसपछि अदुवा, गुलियो, र तातोपानी खाएर व्रत तोडेर मात्रै भोजन गर्ने चलन छ ।
यसैबीच छठ पर्वको अवसरमा पूर्व युवराज्ञी हिमानी शाहले वीरगन्जको घडिअर्वा छठघाटको अवलोकन गरी पूजा अर्चना गर्नुभएको छ । हिजो अपरान्ह वीरगन्ज आउनु भएकी हिमानीले वीरगन्जको घडिअर्वा पोखरी परिसरमा बनाईएको छठघाटको अवलोकन गर्नुका साथै पूजापाठ समेत गर्नुभएको छ ।

हिमानीको आगमनपछि छठघाट स्थलमा भीड बढेको थियो । छठघाटमा प्रसादी राखिने दउरी लिएर पुगेका ब्रतालुहरु र हिमानीको आगमन एउटै समयमा भएपछि भीड बढेको हो । हिमानीलाई हेर्नेहरुको भीडले गर्दा छठघाटमा दउरी लिएर गएका ब्रतालुहरुले भने टाउकोमा दउरी लिएर उभिनु परेको थियो ।

हिमानीलाई स्वागत गर्ने क्रममा बढेको भीड हटाउन प्रहरीलाई पनि हम्मे हम्मे परेको थियो । समयको व्यावस्थापन हुन नसक्दा भीड नियन्त्रणमा समस्या भएको हो । ब्रतालुहरु छठघाट पुग्ने समयमा नै हिमानी पनि आईपुगेपछि उहाँलाई भित्र स्वागत गर्नेहरुका कारण दउरी लिएर गएका ब्रतालुहरु बाहिर नै उभिनु परेका थिए ।

यस्तै छठ पर्वको अवसरमा वीरगन्ज महानगरपालिकाका नगरप्रमुख बिजय कुमार सरावगीले आज बिहान बिरगंज माहानगरको विभिन्न वडाका छठ घाटमा गएर पूजाअर्चना गर्नुभएको छ । महानगरको विभिन्न स्थानमा बनाईएको छठघाटमा गएर नगर प्रमुख सरावगीले पूजाअर्चना गरी छठी माताको दर्शन गर्नु भएको छ । साथै उहाँले छठी माता संग सबै नगरवासीको सुख समृद्धि र उतोरोतर प्रगतीको कामना पनि गर्नु भएको छ ।


प्र तिक्रिया दिनुहोस !

सम्बन्धित खबरहरु

रोट्री र रोट्रयाक्ट क्लब अफ वीरगन्ज मेट्रोपोलिसको संयुक्त आयोजनामा म्याराथन दौड प्रतियोगिता सम्पन्न
विजय सरावगी जसपाको केन्द्रीय सदस्यमा मनोनित, प्रदीप यादव केन्द्रीय सदस्यबाट निष्काशित
प्रेस सेन्टर नेपाल पर्सा शाखाको पाँचौं जिल्ला सम्मेलनबाट नयाँ नेतृत्व चयन
वीरगन्ज महानगरपालिका ३२ वटा वडा मध्ये अहिले सम्म १५ वटा वडामा नेपाली काँग्रेसको वडा अधिवेशन सम्पन्न