कोरोना कहर बढेसँगै वीरगन्जका आँखा अस्पतालमा भारतीय बिरामीको संख्या घट्दै



वीरगन्ज,६ असोज । वीरगन्जका आँखा अस्पतालमा भारतीय बिरामीको चाप घटेको छ । नाकामा सहज आउजाउ नहुँदा भारतीय बिरामीको संख्या घटेको हो । सामान्य अवस्थामा भारतीय बिरामीको उपचार गन्तव्य रहेका यहाँका आँखा अस्पतालमा चहलपहल घटेको यहाँका आँखा अस्पतालहरुले बताएका छन् । वीरगन्जमा झन्डै आधा दर्जन आँखा अस्पताल रहेका छन् ।

कोरोना काल अगाडि वीरगन्जका आँखा अस्पतालमा बढी जसो बिरामी भारतीय नै हुने गरेका थिए । दृष्टि आँखा अस्पतालमा गत आर्थिक बर्षमा उपचारार्थ ५० हजार ४ सय ६९ बिरामी आएकोमा ८० प्रतिशत नेपाली र २० प्रतिशत भारतीय भएको अस्पतालका सञ्चालक विश्वराज गौतमले बताउनुभयो । सामान्य अवस्था भएको भए यो तथ्यांक ठीक विपरीत हुने समेत गौतमको तर्क छ ।

करिब दुई बर्षदेखि भारतीय बिरामी घटेको उहाँले बताउनुभयो । दुई बर्ष अगाडि भने नेपाली भन्दा भारतीय बिरामीको संख्या आफ्नो सहित अन्य यहाँका आँखा अस्पतालहरुमा बढी नै हुने गरेको गौतमले बताउनुभयो । वीरगन्ज सामुदायिक आँखा अस्पतालका मेडिकल कोअर्डिनेटर महेशसिंह धामीले आफ्नो अस्पतालको अवस्था यस्तै रहेको बताउनुभयो ।

नारायणी आँखा अस्पतालका सञ्चालक डा. पदमराज विष्टले २ पटकको लकडाउनले भारतीय बिरामीको चाप घटेको बताउनुभयो । कुनै समय नेपालका सीमावर्ती गाउँका बिरामीहरूको पनि आँखा उपचारको गन्तव्य भारतको सीतापुर आँखा अस्पताल हुन्थ्यो । बिस्तारै नेपालका आँखा अस्पतालहरूको गुणस्तरीय सेवाबारे चर्चा फैलिँदै गएपछि भारतीयहरू यता आउन थालेका हुन् ।

यहाँका आँखा अस्पतालमा सामान्य अवस्थामा कुल बिरामीमध्ये करिब ६० प्रतिशत भारतीय नै रहने गरेको आँखा अस्पतालका संचालकहरु बताउछन् । विशेष गरी भारतको बिहार र उत्तरप्रदेश राज्यबाट बिरामी आउने गरेका छन्  । सीमावर्ती भारतीय सहरहरूमा सामान्य मोतीबिन्दुको शल्यक्रिया गर्दा पनि कम्तीमा १० हजार रुपैयाँ खर्च हुने र सेवा पनि गुणस्तरीय नहुने समस्या छ ।

तर यहाँ सरदर २ हजार रुपैयाँ खर्च गरेर सहजै शल्यक्रिया गर्न सकिने भएकाले भारतीय बिरामीको आकर्षण नेपाली आँखा अस्पताल बनेको धेरैको बुझाइ छ ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि