चालक अनुमति पत्र नवीकरण गरेर १० करोड ६६ लाख ९० हजार रुपैयाँ राजश्व संकलन



नारायणी डेक्स
वीरगन्ज,१७ भाद्र । वीरगन्जमा रहेको यातायात व्यवस्था कार्यालयले गत आर्थिक वर्षमा सवारी चालक अनुमति पत्र मार्फत १० करोड भन्दा बढी राजश्व संकलन गरेको छ ।गएको आर्थिक वर्ष २०७७÷०७८ मा यातायात व्यवस्था कार्यालय वीरगञ्जले चालक अनुमतिपत्र जारी तथा चालक अनुमति पत्र नवीकरण गरेर १० करोड ६६ लाख ९० हजार रुपैयाँ राजश्व संकलन गरेको हो ।

जुन नयाँ सवारी चालक अनुमति पत्र जारी र पुराना चालक अनुमति पत्र नवीकरण गरेर राजश्व संकलन भएको हो । यसअघिको आर्थिक वर्ष २०७६÷०७७ मा भने राजश्व संकलन गएको आर्थिक बर्षको तुलनामा कम भएको थियो । कोभिड महामारीका कारण आर्थिक वर्ष ०७६÷०७७ मा बढी समय कार्यालय बन्द भएको र सवारी चालक अनुमति पत्रको परीक्षा पनि हुन नसकेकाले राजश्व संकलनमा कमी आएको यातयात ब्यवस्था कायाृलय वीरगन्जका कर्मचारीहरुको भनाइ छ ।

त्यो आर्थिक वर्षमा जम्मा ८ करोड २२ लाख १५ हजार रुपैयाँ मात्रै राजश्व संकलन भएको थियो । पछिल्लो २ वर्षदेखि कोभिडका कारण सवारी चालक अनुमति पत्रको काम ठप्प भएकाले राजश्वमा कमी आएको यातायात व्यवस्था कार्यालय वीरगञ्जका लाइसेन्स शाखा प्रमुख सुशील साहले बताउनुभयो ।

गएको आर्थिक वर्षमा मात्रै १२ हजार १२ जनाले नयाँ सवारी चालक अनुमति पत्र लिएको कार्यालयको अभिलेखमा उल्लेख छ ।जसमध्ये मोटरसाईकल चालकको लाइसेन्स लिनेको संख्या अधिक छ । एक वर्षको अवधिमा ४ हजार १ सय ४३ जनाले मोटरसाईकल चालकको नयाँ लाइसेन्स लिएका छन् ।

यस्तै सोही अवधिमा स्कुटी चालकको लाइसेन्स १ हजार २ सय १८ जनाले लिएको पनि कार्यालयको अभिलेखमा उल्लेख छ ।यो कार्यालय चालु आर्थिक बर्ष लागेपछि यही भदौ २० गतेबाट पुनः सवारी चालक अनुमति पत्रका लागि परीक्षा ट्रायल संचालन गर्ने तयारी गर्दैछ ।


प्र तिक्रिया दिनुहोस !

सम्बन्धित खबरहरु

उपकार सेवा नेपाल द्वारा पर्सा र बाराका गरि दुइ सामुदायिक विद्यालयलाइ पंखा प्रदान
मल्टी स्पर्श स्पेशलिटी अस्पतालले एकजना बिरामीको निशुल्क शल्यक्रिया गर्यो
पर्साको ग्रामीण भेगको जनता सडकमा पर्ने खोलाहरुमा पुल नबन्दा स्थानीयवासीलाई सास्ती,
ब्रम्हपुरी आधारभूत विद्यालयमा आज छात्राहरुलाइ साइकल वितरण