छोरीको प्रेमीको हत्यारा बुवा आमा र हजुरबुबा सहित पाँच जना पक्राउ



साउन १९ बीरगंज
छोरीको प्रेमीको हत्या गरि डेढ वर्ष देखि फरार रहेका बुवा आमा र हजुरबुबा सहित पाँच जनालाइ प्रहरीले पक्राउ गरेको छ । बाराको साविकको गाविस भोडाहा ४ की प्रियंका साहलाइ भेटन उनका प्रेमी रौतहटको साविकको गाविस सन्तपुर दोस्तीया ७ का २५ वर्षिय पुण्य देव यादव प्रियंकाको घरमा आएका बेला २०७२ साल फागुन ४ गते प्रियंकाका अभिभावकहरुले पुण्य देवको हत्या गरेका थिए । हत्या लगत्तै घर छाडेर फरार भएका प्रियंकाका बुबा ४६ वर्षिय कृष्ण प्रसाद साह , आमा ४५ वर्षिया रामपतिया देवी , दाजुहरु २१ वर्षिय राजेश प्रसाद साह र १९ वर्षिय प्रमोद साह तेली तथा हजुरबुबा ६४ वर्षिय मिश्रीलाल साह तेलीलाइ पर्सा प्रहरीले वीरगन्जको सीमावर्ती भारतीय गाँउमा लुकीछिपी बसेको अवस्थामा एकैस्थानबाट गएराति पक्राउ गरेको हो । तर प्रहरीले भने उनिहरुलाइ वीरगन्जको इनर्वाबाट आज बिहान पक्राउ गरेको जनाएको छ । पक्राउ परेका पाँचै जनालाइ आवश्यक कार्वाहीका लागि आजै नै जिल्ला प्रहरी कार्यालय बारामा पठाइएको पर्साका प्रहरी नायव उपरिक्षक चक्रराज जोशीले जानकारी दिनु भयो । रौतहटको साविकको गाविस सन्तपुर दोस्तीया गाविस वडा नम्बर ७ का २५ वर्षिय पुण्यदेव बाराको भोडहामा रहेकी आफ्नी प्रेमिका प्रियंकालाई भेट्न २०७२ साल फागुन ४ गते नै घरबाट हिडेका थिए । घरबाट हिडेकै दिन देखि घरपविार र आफन्तको सम्पर्कबाट बाहिर रहेका पुण्यदेवको शव बाराको मनहर्वा मझौलियामा अवस्थित टेङग्रहर खोलाको पश्चिम तर्फको बाँसघारीमा गाडिएको अवस्थामा फागुन १२ गते भेटिएको थियो । बाँसघारीमा टाउको तथा दाहिने हात नभएको अवस्थामा पुण्यदेवको शव बरामद भएको थियो । प्रहरीका अनुसार रौतहटका पुण्यदेव र बारा भोडहाकी प्रियंका बिच लामो समय देखि प्रेम सम्बन्ध रहेको थियो । २०७२ सालकै दशैं ताका घर छाडेर भागेका दुवै जनालाइ अभिभावकहरुको उजुरीका आधारमा कामाण्डौको कमलपोखरी स्थित महानगरीय प्रहरी आयुक्तको कार्यालयले पक्राउ गरेको थियो । त्यस बेला प्रहरीले युवतीलाइ उनका बुवा र युवकलाई उनका दाजुको जिम्मा लगाएर घर पठाएको थियो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन