ठोरी गाँउपालिका वडा नम्बर ५ मा रहेको ऐतिहासिक बाघमोर्चा मन्दिर परिसरमा निर्मित नयाँ मन्दिरमा आज दुर्गा भगवतीको मुर्ति स्थापना



माधव तिमिल्सिना
ठोरी, २ मंसिर । पर्साको ठोरी गाँउपालिका वडा नम्बर ५ मा रहेको ऐतिहासिक बाघमोर्चा मन्दिर परिसरमा निर्मित नयाँ मन्दिरमा आज दुर्गा भगवतीको मुर्ति स्थापना गरिएको छ । आज मन्दिर प्राङ्गणमा ठोरी गाउपालिकाको आयोजनामा सम्पन्न धार्मिक कार्यक्रममा धार्मिक अनुष्ठानसहित मुर्ती स्थापना गरिएको हो ।

धार्मिक अनुष्ठानमा गाउपालिका अध्यक्ष पदमलाल श्रेष्ठ र उपाध्यक्ष शान्तिमाया थिङ्ले हिन्दु धर्म संस्कार अनुसार पुजापाठ गरे पश्चात् मुर्ती स्थापनाको विधि पुरा गरिएको पण्डित उद्द्व न्यौपानेले बताउनुभयो । मुर्ती निर्माणका लागी मात्र ठोरी गाउपालिकाले ५ लाख ४५ हजार रकम खर्चेको गाउपालिका अध्यक्ष श्रेष्ठले जानकारी दिनुभयो ।

ठोरीकै महत्त्वपूर्ण धार्मिक क्षेत्रका रुपमा परिचित बाघमोर्चा मन्दिरमा नेपाल र भारतका श्रद्धालु भक्तजनहरु पुजापाठका लागि आउने गरेका छन् ।बाघमोर्चा मन्दिरमा भाकल राखेर पुजापाठ गर्दा चिताएको पुग्ने त्यस क्षेत्रका भक्तजनहरुमा विश्वास रहि आएको छ । वर्षेनि कार्तिक शुक्ल पुर्णिमाको दिन पुजापाठ गर्न आउने भक्तजनहरुको घुइँचो लाग्ने मन्दिर क्षेत्रमा बोका र कुखुराको बलि समेत दिने गरिएको छ ।

पछिल्लो समय नेपाल र भारतका विभिन्न ठाउँबाट मन्दिरमा पुजापाठ गर्न आउने तिर्थालुहरुको संख्यामा वृद्धि हुन थालेपछि ठोरी गाउपालिकाले धार्मिक पर्यटकीय क्षेत्र निर्माण अभियान थालेको गाउपालिका अध्यक्ष श्रेष्ठको भनाइ छ । उहाका अनुसार नवनिर्मित मन्दिर निर्माण र रङ्गरोगनका लागि पालिकाले ५० लाख भन्दा धेरै बजेट खर्च गरेको छ ।

यस्तै गाउपालिकाकै लगानीमा मन्दिर प्राङ्गणमा प्रतिक्षालय समेत निर्माण गरिएको छ । हुलाकी सडकसंग जोडिएको तथा झोलुङ्गे पुलका कारण समेत आवतजावत गर्न सहज मन्दिर क्षेत्र व्यवस्थापन गर्दै पर्यटन प्रवर्द्धन गरिने अध्यक्ष श्रेष्ठले प्रष्ट पार्नुभयो ।


प्र तिक्रिया दिनुहोस !

सम्बन्धित खबरहरु

रोट्री र रोट्रयाक्ट क्लब अफ वीरगन्ज मेट्रोपोलिसको संयुक्त आयोजनामा म्याराथन दौड प्रतियोगिता सम्पन्न
वीरगन्ज नाकाबाट चार महिनाको अवधिमा निर्यात बढ्यो
विजय सरावगी जसपाको केन्द्रीय सदस्यमा मनोनित, प्रदीप यादव केन्द्रीय सदस्यबाट निष्काशित
प्रेस सेन्टर नेपाल पर्सा शाखाको पाँचौं जिल्ला सम्मेलनबाट नयाँ नेतृत्व चयन