तीनै तहका सरकारले आफूहरुका लागि केही नगरेको पर्साका तेश्रोलिंगीहरुको गुनासो



माधुरी महतो
वीरगन्ज,९ भाद्र । पर्साको तेश्रोलिंगी समुदायका मानिसहरुले तीन वटै तहका सरकारले तेश्रोलिंगी समुदायका लागि केही नगरेको गुनासो गरेका छन् । तेश्रोलिंगी समुदायका मानिसले पनि स्वतन्त्रपुर्वक बाच्न पाउन पर्ने , स्वास्थ्य, शिक्षा , रोजगारी लगायतका सबै सेवा सुविधा पाउनुपर्ने अधिकार भएपनि समुदायमा हालसम्म आफुहरुको अस्तित्व नै स्वीकार गर्न नसकेको गुनासो उनीहरुको छ ।

सहयात्री समाज पर्साकी ममता तेश्रोलिंगीले , राज्यले हालसम्म केही पनि सुविधा नदिएको गुनासो गर्नु भयो । अरु सरह नै नेपालको नागरीक तेश्रोलिंगी भएपनि सरकारको विभेदका कारण आफुहरुले नेपालको नागरिक भएको महशुश गर्न नपाएको दुखेसो उहाले पोख्नुभयो । उहाँले तीनै तहका सरकारले आफुहरुलाई हेरेर पनि नहेरेको जस्तो व्यवहार गरेको गुनासो गर्नुभयो ।

सहयात्री समाज नेपालका प्रोजेक्ट कोअर्डिनेटर समता बमले लैंगिक ,यौनिक , अल्पसंख्यक तथा समलिंगी र तेश्रो लिंगी लगायतको विषयमा सरकारले केहीपनि सम्बोधन गर्न नसकेको बताउनुभयो ।

उहाँले निलहीरा समाजले तेश्रो लिंगी समुदायको हकमा सन् २००१ देखी नै वकालत गर्दै आएको बताउनुभयो । वीरगंज महानगरपालिकाकी उपप्रमुख शान्ति कार्कीले तेश्रोलिंगीको विभिन्न विषय तथा समस्यालाई लिएर नगरपालिका गम्भिर रहेको बताउनुभयो ।

उहाँले केही गर्न खोजीएको भएपनि तेश्रो लिंगी समुदायका मानिसहरु खासै सम्पर्कमा नै आउन नसकेको दाबी गर्नुभयो ।


प्र तिक्रिया दिनुहोस !

सम्बन्धित खबरहरु

अफगानिस्तानमा बेरोजगारी बृद्धि
अघिल्लो सरकारले नियुक्त गरेको सबै राजदूत फिर्ता बोलाउने सरकारको निर्णय
नेपालमा पछिल्लो २४ घण्टामा थप १ हजार ३३० जनामा कोरोना भाइरसको संक्रमण पुष्टि
उपकार सेवा नेपाल द्वारा पर्सा र बाराका गरि दुइ सामुदायिक विद्यालयलाइ पंखा प्रदान