दशैं विदामा पेट्रोलियम पदार्थको ढुवानी बन्द हुँदा पर्सा र बारामा पेट्रोलको अभाव



वीरगन्ज, २ कात्तिक । दशैं विदामा पेट्रोलियम पदार्थको ढुवानी बन्द हुँदा, पर्सा र बारामा पेट्रोलको अभाव भएको छ । पेट्रोल आयात बन्द हुँदा वीरगन्जका कुनैपनि पेट्रोल पम्पहरुमा अहिले पेट्रोल पाईएको छैन ।

बाराको अम्लेखगन्ज स्थित नेपाल आयल निगमको डिपोले पनि ८० प्रतिशत पेट्रोल काठमाडौं लगायतका अन्य क्षेत्रमा पठाएको र बारा पर्साका पेट्रोल पम्पहरुलाई वितरण नगर्दा पेट्रोलको अभाव भएको पेट्रोलियम डिलर्स एशोसिएसन पर्साका अध्यक्ष विनोद चौरसियाले बताउनुभयो ।

पेट्रोल आउने भारतको बरौनी स्थित आइओसीको डिपोबाट दशैं विदामा नेपाली ट्यांकरहरुले ढुवानी बन्द गर्दा अहिले पेट्रोल आउन समय लागेकोले पनि वीरगन्जमा पेट्रोलको अभाव भएको चौरसियाले बताउनुभयो । पेट्रोल ढुवानीमा अझै दुईचार दिन लाग्ने भएकोले दुईचार दिनपछि मात्रै पेट्रोल वीरगन्जमा सहज रुपमा पाईने अध्यक्ष चौरसियाले बताउनुभयो ।

नेपाल आयल निगम वीरगन्ज कार्यालयका प्रमुख पवन यादवले पनि दशैं विदाका कारणले ट्यांकरहरु बरौनी जान नपाउँदा पेट्रोलको अभाव भएको बताउनुभयो । कार्यालयहरु खुलेपछि हिजो भने ७० हजार लिटर पेट्रोल बारा पर्साका लागि वितरण भएको उहाँले बताउनुभयो । त्यसमध्य पर्सामा ४८ हजार लिटर पेट्रोल ८÷९ वटा पेट्रोल पम्पमा वितरण भएको हो । तर पनि वीरगन्जका अधिकांश पेट्रोल पम्पहरुमा भने अहिले पनि पेट्रोल नपाइएको उपभोक्ताहरुले बताएका छन् ।

 


प्र तिक्रिया दिनुहोस !

सम्बन्धित खबरहरु

रोट्री र रोट्रयाक्ट क्लब अफ वीरगन्ज मेट्रोपोलिसको संयुक्त आयोजनामा म्याराथन दौड प्रतियोगिता सम्पन्न
वीरगन्ज नाकाबाट चार महिनाको अवधिमा निर्यात बढ्यो
विजय सरावगी जसपाको केन्द्रीय सदस्यमा मनोनित, प्रदीप यादव केन्द्रीय सदस्यबाट निष्काशित
प्रेस सेन्टर नेपाल पर्सा शाखाको पाँचौं जिल्ला सम्मेलनबाट नयाँ नेतृत्व चयन