दशौं गणतन्त्र दिवस मुलुकभर मनाइंदै, वीरगन्ज कारागारमा कैद सजाय भोगिरहेका ३४ कैदीहरु रिहा हुने



जेठ १५ सोमबार मुलुकभर विभिन्न कार्यक्रम गरी मनाइंदैछ । जनआन्दोलन २०६२÷०६३ को जगमा गणतन्त्र घोषणा भएको ऐतिहासिक दिनको स्मरण गर्दै हरेक वर्ष जेठ १५ गते देशभर विभिन्न कार्यक्रम गरी यो दिवस मनाइन्छ । संविधानसभाको पहिलो बैठकले विक्रम संम्वत २०६५ साल जेठ १५ गते नेपाललाई सघिय लोकतान्त्रिक गणतन्त्रात्मक मुलुक घोषणा गरेको थियो । राजतन्त्रको अन्त्य गर्दै विक्रम सम्वत २०७२ साल असोज ३ गते संविधान जारी भएसँगै कार्यान्वयन प्रक्रिया पनि शुरु भएको छ । संविधानको कार्यान्वयनका क्रममा स्थानीय तहको पहिलो चरणको निर्वाचन सम्पन्न भएको छ ।यसैबीच राष्ट्रपति विद्यादेवि भण्डारीले स्थानीय तहको निर्वाचनले लोकतन्त्रलाई थप सुदृढ गर्न भूमिका निर्वाह गर्ने विश्वास प्रकट गर्नु भएको छ । गणतन्त्र दिवसका अवसरमा शुभकामना दिदैं उहाँले संघीय लोकतान्त्रिक गणतन्त्र घोषणा भएपछि सुशासन, द्रुततर आर्थिक सामाजिक विकास हुन्छ भन्ने आम अपेक्षा पुरा गर्नु सबैको दायित्व रहेको उल्लेख गर्नुभएको छ । प्रधानमन्त्री पुष्पकमल दाहालले गणतन्त्र दिवसका अवसरमा शुभकामना दिदैं दोस्रो चरणको निर्वाचनमा पनि सक्रिय सहभागीता जनाउन आम जनतामा अपिल गर्नुभएको छ । संविधानको स्विकार्यता फराकिलो बनाउँदै कार्यान्वयन सुनिश्चित गर्नु अहिलेको मुख्य आवश्यकता भएको भन्दै प्रधानमन्त्री दाहालले सरकार सबै पक्षसँग सहकार्य, संवाद र सहमतिका लागी प्रयासरत रहेको उल्लेख गर्नुभएको छ ।
यसैबिच दशौं गणतन्त्र दिवसको अवसरमा वीरगन्ज कारागारमा कैद सजाय भोगिरहेका ३४ जना कैदीहरु आज रिहा हुदैछन् । गणतन्त्र दिवसको अवसरमा वीरगन्ज कारागार व्यवस्थापनले ५० जना कैदीको बाँकी कैद माफ गरि रिहा गर्न नेपाल सरकारलाइ सिफारिस गरेकोमा ३४ जना मात्र सोमबार रिहा हुन लागेका हुन् । सोमबार अपरान्ह वीरगन्ज कारागारमा एक कार्यक्रमको आयोजना गरि ३४ जना कैदीलाइ रिहा गर्न लागिएको वीरगन्ज कारागारका प्रमुख चक्रपाणी गौतमले बताउनु भयो । गाणतन्त्र दिवसको अवसरमा सरकारले हरेक वर्ष चेलीबेटी बेचबिखन , जघन्य अपराध , देशद्रोह , हातहतियार तथा खरखजाना , लागु औषध, मुद्रा अपचलन लगायतका १३ वटा मुद्धा बाहेक अन्य मुद्ध्रामा ४० प्रतिशत कैद सजाय भोगिसकेका कैदीहरुलाइ राम्रो आचरण र बानीव्यवहोराको मुल्यांकन गरेर बाँकी कैद सजाय माफ गरि रिहा गर्दै आएको छ ।
यसैबिच १० औं गण्तन्त्र दिवसको अवसरमा प्याब्शनमा आबद्ध विधालयका विधार्थी र शिक्षकहरुले वीरुगन्जको मुख्य सडकमा आज सरसफाइ गरेका छन् । शिक्षक र विधार्थीहरुले नारायणी उपक्षेत्रीइ अस्पताल देखि पावर हाउस चोक सम्मको मुख्य सडकमा सरफाइ गरेका हुन् । सरसफाइ कार्यक्रममा प्याब्सन पर्साका अध्यक्ष डाक्टर हरिशंकर साह , पर्साका प्रमुख जिल्ला अधिकारी केशवराज घिमिरे, प्रहरी उपरिक्षक गोविन्द कुमार साह लगायतको पनि उपस्थिती रहेको थियो ।
यसैबिच दशौं गणतन्त्र दिवसको अवसरमा वीरगन्ज उपमहानगरपालिका वडा नम्बर १४ पिपरामा सोमबार नेपाली काँग्रेसले बृद्धबृद्धाहरुलाइ सम्मानीत गरेको छ । काँग्रेस बुथ कमिटीले आयोजना गरेको कार्यक्रममा ८३ जना बृद्धबृद्धाहरुलाइ दोशल्ला ओढाएर सम्मानीत गरिएको हो । बुथ कमिटी सभापति सन्जय साहको अध्यक्षता एंव काँग्रेस जिल्ला सभापति अजय द्धिवेदीको प्रमुख आतिथ्यतामा भएको सम्मान कार्यक्रममा , क्षेत्रीय सभापति अरविन्द गुप्ता , विजय सर्राफ ,काँग्रेस नेताहरु प्रकाश उपाध्याय ,रामनारायण कुर्मी ,बैकुण्ठ श्रीवास्तव , किरण सरकार ,आदित्य प्रकाश प्रधान , नेपाल तरुण दल पर्साका अध्यक्ष वीरेन्द्र पटेल लगायतको उपस्थिती रहेको थियो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन