निर्वाचन पनि आन्दोलनकै एक स्वरुप भएको फोरम राष्ट्रिय अध्यक्ष यादवको भनाई



भाद्र २७ बीरगंज संघीय समाजवादी फोरम नेपालका राष्ट्रिय अध्यक्ष उपेन्द्र यादवले निर्वाचन पनि आन्दोलनकै एक स्वरुप भएको बताउनु भएका छ । बाराको सिम्रौनगढमा मंगलबार फोरम नेपालले आयोजना गरेको चुनावीसभालाइ सम्बोधन गर्दै अध्यक्ष यादवले अधिकार प्राप्तिको संघर्षको साथसाथै गाउँ नगरको बिकास र सम्बृधि पनि आवश्यक रहेकाले स्थानीय तहको निर्वाचनलाई आफनो दलले आन्दोलनकै रुपमा लिएको बताउनु भयो । अहिलेको स्थानीय तह निर्वाचन गणतन्त्र प्राप्ति पछिको पहिलो चुनाव भएको भन्दै उहाले सरकारले भने यो निर्वाचनलाइ गलत ढङगले लिएको बताउनु भयो । संघीय प्रणालीमा पहिले केन्द्रको , त्यसपछि प्रदेशको र अन्त्यतमा स्थानीय तहको निर्वाचन गर्ने विश्व व्यापी मान्यता रहेको भएपनि नेपालमा भने ठिक यस्को उल्टो भइरहेको अध्यक्ष यादवले बताउनु भयो । स्थानीय तहलाइ कब्जामा लिने नियत राखेर नै सरकारले पहिला स्थानीय तहको निर्वाचन गराइरहेको भन्दै फोरम नेपालका अध्यक्ष यादवले सरकारको यो षडयन्त्र भने फोरम नेपालले सफल हुन नदिने दाबी गर्नु भयो । खसवादीहरुको सरकारले मुलुकको आर्थिक , स्वास्थ्य र शिक्षा नीति खतम पारीदिएको भन्दै उहाले सयौं सरकारी उद्योग कलकारखानाहरु निजिकरण गरेर लाखौ मजदुरहरुलाई बेरोजगार बनाएको आरोप लगाउनु भयो । फोरम नेपालको सिम्रौनगढ नगर कमिटीका अध्यक्ष अशोक कुशवाहाको अध्यक्षतामा भएको चुनावी सभालाइ केन्द्रीय सदस्य रामकिशोर प्रसाद यादव, सिम्रौनगढ नगरपालिकाको मेयर पदका उम्मेदवार पन्नालाल कुशवाहा लगाएतकाले पनि सम्बोधन गरेका थिए ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन