नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन



बिरगन्ज,१० असोज । नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएको छैन । कोरोना संकटका कारण सरकारले गएको बर्ष चैत ११ गतेदेखि बन्द गरेको नेपाल भारत सीमानाकामा भारतीय यात्रुवाहक सवारी साधन आवतजावतमा रोक लगाइएको छ ।

सीमानाकामा यात्रुवाहक भारतीय सवारी साधन खुला गर्नुपर्ने चौतर्फी माग र दबाव परेपछि सरकारले गएको असोज ५ गते सीमा नाका खुला गर्ने निर्णय गरेको थियो । तर, अहिलेसम्म सीमा नाका भने खुला भएको छैन ।

गृहमन्त्रालय मातहतका कार्यालयहरुलाई सीमामा सहजीकरणका लागि पत्राचार गरिसकेको भएपनि अर्थमन्त्रालय अन्तर्गतको भन्सार विभागले भन्सार कार्यालयहरुलाई सवारी प्रवेशको विषयमा कुनै निर्देशन नदिएकोले सीमामा भारतीय सवारी साधन आवतजावत हुन सकेको छैन । पर्साका प्रमुख जिल्ला अधिकारी पिताम्बर घिमिरेले सीमा खोल्न मन्त्रालयबाट पत्र आईसकेपछि सम्बन्धित सबै कार्यालयहरुलाई जानकारी गराईसकिएको बताउनुभयो ।

तर, भन्सार विभाग अन्तर्गतको भन्सार कार्यालयहरुमा पैदल यात्रीहरुलाई सहजीकरणको लागि पत्र आएको र भारतीय सवारी साधनको विषयमा अहिलेसम्म कुनै जानकारी नआएको वीरगन्ज भन्सार कार्यालयले जनाएको छ ।

सीमा नाकामा भारतीय सवारी साधनलाई दिईने अस्थायी प्रवेश पासको लागि विभागबाट निर्देशन आएपछि प्रवेश अनुमति दिईने वीरगन्ज आईसीपी भन्सार कार्यालयका प्रमुख भन्सार प्रशासक विश्वप्रसाद अर्यालले बताउनुभयो ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि