पर्साका किसानहरु भदैया धान भित्र्याउन व्यस्त



क्रान्ति साह
वीरगन्ज,७ असोज । पर्सा जिल्लाका किसानहरु अहिले पाकेर तयार भएको भदैया धान भित्रयाउनमा व्यस्त भएका छन् । खेतमा लगाएको भदैया धान पाकिसकेकाले किसानहरु भदैया धान भित्रयाउनमा लागेका हुन् । गत वर्ष भन्दा यस वर्ष भदैया धान राम्रो फलेकाले किसानहरु हर्षित भएका छन । गएको वर्ष भन्दा यस वर्ष भदैया धान राम्रो भएको किसानहरुको भनाइ छ ।

पर्साको धोबीनी गाँउपालिका ४ का किसान हरिशंकर कुर्मीले यस बर्ष भदैया धान राम्रो भएकाले प्रतिकठ्ठा दुई क्विन्टल धान उत्पादन भएको बताउनु भयो । उहाले आफूले गएको वर्ष लगाएको भदैया धान प्रतिकठ्ठा मुश्किलले डेढ क्विन्टल उत्पादन भएकोमा यस वर्ष भने दुई क्विन्टल फलेको बताउनुभयो ।

उहाले सरकारले समयमै मल र बीउबिजन उपलब्ध गराएको खण्डमा उत्पादन अझ बढ्ने भएकाले किसानहरुलाई समयमै मल र बीउबिजन उपलब्ध गराउनुपर्ने.माग गर्नु भयो । पर्सा जिल्ला भरिमा यस वर्ष कुल १३ हजार ५ सय हेक्टर क्षेत्रफलमा धान खेती गरिएको कृषि ज्ञान केन्द्रले जानकारी दिएको छ ।

जस मध्ये भदैया धान मात्रै ८ हजार ५ सय हेक्टर क्षेत्रफलमा किसानहरुले लगाएको कृषि ज्ञान केन्द्र पर्साका बाली संरक्षण अधिकृत समसुल मिया दर्जीले जानकारी दिनु भयो ।यसैबिच सरकारले धानको न्यूनतम समर्थन मूल्य तोकेको छ ।

४ दिन अघि बसेको मन्त्रीपरिषद बैठकले मोटा धानको मूल्य प्रतिक्विन्टल २ हजार ७ सय ५२ रुपैया र मध्यम धानको २ हजार ९ सय २ रुपैयाँ तोकेको हो ।कृषि तथा पशुपन्छी मन्त्रालयको सिफारिसमा मन्त्रिपरिषद बैठकले धानको समर्थन मुल्य तोकेको हो । अघिल्लो आर्थिक वर्ष २०७७÷७८ को तुलनामा यस पाली प्रतिक्विन्टल १७ रुपैया मात्रै बढी मूल्य तोकिएको हो ।


प्र तिक्रिया दिनुहोस !

सम्बन्धित खबरहरु

बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
दुई वर्ष देखि कोरोनाले प्रभावित वीरगन्जमा यसपाली भने दशैं मेलाको चहलपहल शुरु
तरकारीका लागि पकेट क्षेत्र रहेको सिम्रौनगढमा आलुको बिऊ महंगो हुँदा कृषकहरु मारमा
चाडवाड बढेसँगै वीरगन्ज भन्सारबाट हलुका सवारी साधनको आयात बढ्यो