पर्साको केहुनिया र विन्धवासीनी क्षेत्रबाट विद्युत चोरी गरेको आरोपमा १५ जना पक्राउ



विद्युत चोरी नियन्त्रणका लागि खटिएको गस्ती टोलीले पर्साको केहुनिया र विन्धवासीनी क्षेत्रबाट १५ जनालाई पक्राउ गरेको छ । विद्युत चोरी गरी उपभोग गर्ने १५ जनालाई पक्राउ गरिएको नेपाल विद्युत प्राधिकरण विरगञ्ज वितरण केन्द्रले जनाएको छ । गाउँमा व्यापक चोरी भईरहेको खबर पाएपछि विद्युत प्राधिकरण वीरगन्ज वितरण केन्द्रबाट खटिएको गस्ती टोलीले १५ जनालाई पक्राउ गरेर ल्याएको केन्द्रका प्रमुख च्युटन कुमार श्रीवास्तवले जानकारी दिनुभयो । उनीहरुलाई जरीवाना तिराएर छोड्ने उहाँले बताउनुभयो । गस्ती टोलीले विद्युत चोरी गरेर चलाईएको पानी तान्ने दुईवटा विद्युतीय मोटर पनि बरामद गरेको छ । विद्युत चोरी नियन्त्रणका लागि प्राधिकरणले नेपाल प्रहरी र सशस्त्र प्रहरीसँग मिलेर चोरी नियन्त्रण अभियान सञ्चालन गर्दै आएको छ । अभियान सञ्चालनमा आएपछि ४ सय जनाको हाराहारीमा विद्युत चोरी गर्नेहरु पक्राउ परिसकेका छन् भने ७० लाख रुपैयाँ जरीवाना संकलन भईसकेको प्राधिकरण वीरगञ्ज वितरण केन्द्रले जनाएको छ ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन