पर्साको ग्रामीण भेगको जनता सडकमा पर्ने खोलाहरुमा पुल नबन्दा स्थानीयवासीलाई सास्ती,



वीरगन्ज,५ असोज । पर्साको ग्रामीण भेगको जनता सडक अन्तगर्त पर्ने मनवा बजार देखी रंगपुरटाडी सम्मको सडक खण्डमा पर्ने विभिन्न खोलामा पुल नबन्दा उतm सडक भएर चल्ने सवारी साधन र स्थानीयवासीलाई सास्ती भोग्नु परेको छ । पर्साको पटेर्वासुगौली गाउँपालिका २ रंगपुर नजिक बंकुल खोलामा पुल बनाउन सर्भे भएपनि हालसम्म पुल निर्माण हुन सकेको छैन ।

पुल नबन्दा उक्त सडकखण्ड भएर चल्ने सवारीसाधन र स्थानीयवाीले सास्ती भोग्नुपरेको हो । वर्षाको समयमा खोलामा बाढी आएका बेला साना तीन पांग्रे , चार पाङग्रे गाडी र मोटरसाईकललाइ आवतजावतमा समेत कठीनाई हुने गरेको स्थानीयको गुनासो छ । त्यसैगरी जनता सडकखण्ड अन्तर्गत नै सखुवापर्साैनी गाउँपालिका १ मा पर्ने सियरही खोला र जमुनिया खोलामा पनि पुल निर्माण नहुँदा ग्रामीण भेगको धेरै जसो स्थानका स्थानीयवासी मर्कामा परेका छन् ।

खोलामा पुल निर्माणका लागि पालिकाका जनप्रतिनिधी , प्रदेश सांसद र संघीय सांसद सबैलाइ पटक पटक आग्रह गर्दै आएको भएपनि कसैले पनि सुनुवाइ नगरेको स्थानीयको गुनासो छ । चुनावका बेला भोट माग्न आउने नेताहरुले पुल बनाइ दिने आश्वासन दिने तर जितेर गइसकेपछि जनताको पिडा बिर्सि दिने गरेको स्थानीयले बताएका छन् ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि