पर्साको ठोरीमा आतँक मच्चाउँदै आएको चितुवा नियन्त्रणमा



जेठ १५ पर्साको ठोरीमा एक साता देखि मान्छेलाइ आक्रमण र चौपायालाइ मारेर आतँक मच्चाउँदै आएको चितुवालाई सोमबार विहान नियन्त्रणमा लिइएको छ । चितवन राष्ट्रिय निकुञ्जको कार्यालय कसराबाट आएको प्राविधीक टोलीले सोमबार विहान ८ बजे धनु चौधरीको बाख्राको खोरबाट चितुवालाई नियन्त्रणमा लिएको हो । कसराका भेटनरी प्राविधीक किरणराज रिजाल नेतृत्वको टोलीले लठ्याउने सुई डाट हानेर चितुवालाई नियन्त्रणमा लिएको इलाका प्रहरी कार्यालय ठोरीका प्रहरी निरीक्षक लोकेन्द्र सिंह गुरुले जानकारी दिनु भयो । नियन्त्रणमा लिइएको चितुवाले आइतबारे मात्रै धनु चौधरी र गुणराज पण्डितलाई आक्रमण गरी घाइते बनाएको थियो । चौधरीलाई बाख्राको खोर खोल्न जाँदा चितुवाले आक्रमण गरी घाइते बनाएको थियो । चौधरीको अहिले चितवनको भरतपुरमा उपचार भैरहेको छ भने पण्डितको अवस्था सामान्य रहेको छ । गत मंगलबार पनि चितुवाको आक्रमणबाट सुन्दरवस्तीका अर्जुन मल्ल घाइते भएका थिए । नियन्त्रणमा लिइएको चितुवालाई खोरमा राखेर कसरा लगिएको छ । नियन्त्रणमा लिइएको चितुवा घाइते अवस्थामा भेटिएको प्राविधीक रिजालले जानकारी दिनु भयो । चितुवाको कन्चट र शरीरका विभिन्न भागमा चोट देखिएको रिजालको भनाई छ । घाइते अवस्थामा रहेकाले चितुवाले गाउँमा पसेर आतँक मच्चाएको उहाको भनाई छ । मानिसलाई आक्रमण गरी आतँक मच्चाउने चितुवालाई नियन्त्रणमा लिएपछि ठोरीको जनजीवन सोमबार बिहान देखि सामान्य बन्दै गएको छ ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन