पर्सामा जारी प्रतिनिधी र प्रदेशसभा निर्वाचनको हार जितको बिस्तृत बिबरण



मंसिर २४ बीरगञ्ज
पर्सामा जारी प्रतिनिधी र प्रदेशसभा निर्वाचनको मतगणनाको पछिल्लो परिणम अनुसार संघीय समाजादी फोरम नेपाल र राजपाको गठबन्धनले दुइ प्रदेशसभा सदस्यमा जित हात पारेको छ भने नेपाली काँग्रेसले पनि दुइ प्रदेशसभा सदस्यमा विजय प्राप्त गरेको छ । फोरम नेपाल र राजपाको गठबन्धनले पर्साको क्षेत्र नम्बर १ को क र क्षेत्र नम्बर ३ को क मा जित हात पारेको हो । यस्तै नेपाली काँग्रैसले पर्साको क्षेत्र नम्बर २ को क र क्षेत्र नम्बर ४ को क मा विजय प्राप्त गरेको हो । पर्साको क्षेत्र नम्बर ३ को क को प्रदेशसभा सदस्यमा फोरम नेपाल राजपा गठबन्धनका उम्मेदवार एंव फोरम नेपालका नेता मन्जुर अन्सारी भन्ने अब्दुल रहीम अंसारी विजयी भएका हुन् । अन्सारीले काँग्रेसका उम्मेदवार चन्द्र किशोर प्रसाद चौधरीलाइ एक सय ५९ मतको अन्तरले पराजित गरेका हुन् । अन्सारीले सात हजार चार मत प्राप्त गरेका छन् भने उनका निकटतम प्रतिद्वन्दी काँग्रेसका चन्द्र किशोर प्रसाद चौधरीले ६ हजार ८ सय ४५ मत ल्याएका छन् । नेकपा एमालेका नागेन्द्र प्रसाद चौधरीले भने ५ हजार ९ सय ८६ मत मात्रै प्राप्त गरेका छन् ।
यस्तै पर्सा क्षेत्र नम्बर १ को क को प्रदेशसभा सदस्यमा पनि फोरम नेपाल राजपा गठबन्धनका जन्नत अन्सारी विजयी भएका छन् । नेपाली काँग्रेसका रामनारायण प्रसाद कुर्मीलाई एक हजार तीन सय २२ मत अन्तरले पराजित गर्दै अन्सारी विजयी भएका हुन् । अन्सारीले आठ हजार पाच सय ९३ मत प्राप्त गरे भने उनका निकटतम प्रतिद्धन्द्धी कांग्रेसका कुर्मीले सात हजार एक सय ७१ मत ल्याएका छन् । बाम गठबन्धनका रहबर अन्सारीले भने ६ हजार सात सय ९४ मत प्राप्त गरेका छन् ।
यस्तै पर्साको निर्वाचन क्षेत्र नम्बर २ को क को प्रदेशसभा सदस्यमा नेपाली काँग्रेसका राजेश्वर प्रसाद साह तेली विजयी भएका छन् । साहले १० हजार २ सय ५९ मत पाएका छन् । उनका प्रतीद्वन्दी फोरम राजपा गठबन्धनका उम्म्ेदवार राम नरेश प्रसाद यादवले १० हजार ७९ मत ल्याएका छन् ।
यस्तै पर्सा क्षेत्र नम्वर ४ को क को प्रदेशसभा सदस्यमा पनि काँग्रेसकै शंकर चौधरी विजय भएका छन् । एमालेका पुर्व सांसद एवं बाम गठबन्धनका उम्मेदवार जय प्रकाश थारुलाई पराजित गर्दै कांग्रेसका चौधरी निर्वाचित भएका हुन् । चौधरीले थारुलाई चार सय ४८ मत अन्तरले पराजित गरेका हुन् । चौधरीले सात हजार चार सय ८८ मत ल्याए भने थारुले सात हजार ४० मत प्राप्त गरेका छन् । राजपा फोरम नेपाल गठबन्धनका उम्मेदवार रामचन्द्र पडितले भने पाच हजार एक सय २० मत ल्याएका छन् ।वीरगन्जको श्रीपुर स्थित नेपाल राष्ट्रिय विद्यापिठ उच्च माविमा पर्साको क्षेत्र नम्बर १ , २ , ३ र ४ को प्रतिनिधीसभा र प्रदेशसभाको मतगणना चलिरहेको छ । वीरगन्जको श्रीपुर स्थित विद्यापिठ माविमा मतगणनाका लागि ८ वटा कोठाको व्यवस्थापन मिलाईएको छ ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन