बक्यौता बुझाउदा पनि पर्सा सुर्जाहाका उपभोक्ताहरु अन्धकारमा बस्न बाध्य



असार २२ विद्युत प्राधिकरणको बाँकी बक्यौता बुझाईसकेपछि पनि पर्साको पकाहामैनपुर गाउँपालिका वडा नंबर २ सुर्जाहा मधुवनी टोलका उपभोक्ताहरु अन्धकारमा बस्न बाध्य भएका छन् । न्यु मुनलाईट विद्युत उपभोक्ता समिति अन्र्तगत रहेका उपभोक्ताहरु लामो समयदेखि अन्धकारमा बस्न बाध्य छन् । विद्युत नहुँदा विद्युतबाट हुने सबैखाले कामकाज ठप्प भएकोले सर्वसाधरणले सास्ती भोगी रहेका छन् । दिनहुँ प्रयोग हुने मोबाईल चार्ज गर्न पनि अन्यत्र जानुपर्ने बाध्यता भएको गुनासो उनीहरुको छ । त्यसबाहेक कुनैपनि विद्युतिय उपकरणहरु सञ्चालन गर्न नपाएका कारण जनजीवन कष्टकर बनिरहेको छ । स्थानीय कुटानी, पिसानी मिलहरु पनि बन्द छन् । गर्मीको मौसममा बिद्युत नहुँदा साह्र्रै समस्या हुने गरेको गुनासो स्थानीयको छ । उपभोक्ता समितिका पदाधिकारीले उपभोक्ताबाट रकम उठाएर पनि प्राधिकरणमा नबुझाउँदा शुरुमा स्थानीय अन्धकारमा बस्न बाध्य भएका थिए । तर उपभोक्ता समितिले बाँकी बक्यौता ७ लाख रुपैंया बुझाईसकेको छ । स्थानीयका अनुसार २० दिनअघि नै प्राधिकरणले पनि झिकेर लगेको ट्रान्सफरमर फिर्ता लगेर जोडिसकेको छ तर लाईन दिएको छैन् । जसका कारण उपभोक्ताहरु झनै मारमा परेको हाम्रा सहकर्मी लालबाबु बानियाँले जनाएका छन् । तर विद्युत प्रधिकरण वीरगञ्ज वितरण केन्द्रका प्रमुख च्युटन श्रीवास्तवले भने उपभोक्ता समितिभित्र हावी भएको राजनीति नै समस्याको कारक भएको बताउनुभएको छ । उहाँले उपभोक्ता समिति भित्रको आन्तरिक किचलोकै कारण बक्यौता बुझाउनमा ढिलाई भएको बताउँदै प्राधिकरण केन्द्रमा उपभोक्ता समिति खारेजीको लागि निवेदन गएको जानकारी दिनुभयो । प्राधिरणको सामुदायिक विभागमा उपभोक्ता समिति खारेज कै माग भएकोले स्टेरिङ कमिटिको बैठक बसेर निर्णय गरेपछि प्राधिरणले विद्युत वितरण गर्ने जानकारी उहाँले दिनुभयो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन