बन्द रहेको सीमा नाका खुला भएसँगै वीरगन्ज क्षेत्रको होटल ब्यवसाय चलायमान बन्दै



वीरगन्ज,१८ असोज । बन्द रहेको नेपाल भारत सीमा नाका खुलेको दुईदिन मै वीरगन्जका होटलहरुको अकुपेन्सी बढेको छ । कोभिड–१९ संक्रमणको जोखिमका कारण २०७६ चैत ११ गतेदेखि नै सीमा नाका बन्द भएपछि वीरगन्ज र आसपासका होटलहरु सुनसान बनेको थियो । लामो समय बन्द हुँदा होटलमा बस्ने पाहुना नहुँदा सुनसान बनेको होटलहरु सीमा नाका खुलेपछि स्तरीय होटलहरुमा बास्न बस्न ग्राहकहरु थालेको हो ।

असोज १५ गतेदेखि औपचारिक रुपमा सीमा खुलेपछि भारतीय पर्यटकहरु वीरगन्जमा आउन थालेको र होटलको अकुपेन्सी बढ्न थालेको होटल तथा पर्यटन व्यवसायी संघका अध्यक्ष हरि पन्तले बताउनुभयो । सीमा नाका खुला भएपछि दुईदिन अघिसम्म फाट्टफुट्ट मात्रै होटलमा अहिले मध्यम स्तरदेखि ठूला होटलहरुमा ग्राहक आउन थालेको पन्तले बताउनुभयो ।

सीमा नाका खुलेको नेपाल र भारतमा प्रचार भएपछि अहिले भारतका ट्राभल एण्ड टुर्स कम्पनीहरुले पनि नेपाल भ्रमणको प्याकेजमा बुकिङ गर्न थालेको जानकारी आएको अध्यक्ष पन्तले बताउनुभयो । नेपाल भ्रमणका लागि भारतीय ट्राभल्स एण्ड कुर कम्पनीहरुले १० दिनको प्याकेज बनाएर प्रचार प्रसार गर्दै बुकिङ समेत गर्न थालेको उहाँले बताउनुभयो ।

बसपार्क क्षेत्रका साना गेष्ट हाउस र लजहरुदेखि वातानुकुलित सुविधा सहितका स्तरीय होटलहरुमा समेत भारतीय ग्राहकहरु आउन थालेका छन् । ग्राहक नआएर कहिलेकाँही खाली हुने रुमहरु अहिले बुक हुन थालेको होटल कुमु प्यालेसका संचालक कुवेर कार्कीले बताउनुभयो । उनका अनुसार नाका खुलेको दई दिन मै होटलमा रुम प्याक भएर अन्य होटलमा पठाउनु परेको थियो ।

बसपार्क क्षेत्रमा रहेका गेष्ट हाउसमा पनि ग्राहकहरुले भरिन थालेको होटल तथा पर्यटन व्यवसायी संघका महासचिव माधव बस्नेतले बताउनुभयो । घुम्न आउने पर्यटकहरु मात्रै होईन वीरगन्ज पथलैया औद्योगिक करिडोरमा रहेका उद्योगहरुमा काम गर्ने कर्मचारीहरु, व्यावसायिक कामले आउनेहरु पनि भएको हँुदा होटलहरु अब संचालनमा आउन थालेका हुन् ।

दशैं, तिहार र छठ लगायतका चाडवाडहरु पनि नजिकिदै गएकोले नेपाल फर्किनेहरु वीरगन्ज नाका भएर फर्किदा टाढा टाढा घर भएकाहरु एकरात वीरगन्ज मै बसेर जाने हुनाले पनि होटलहरुमा चहल पहल शुरु भएको छ ।

नाका खुलेपछि भारतीय नम्बर प्लेटका सवारी साधनहरु पनि अब वीरगन्ज लगायत आसपासका होटलहरुमा देखिन थालेकोले अब होटल र पर्यटन व्यवसायीहरुलाई केही राहत हुने होटल व्यवासायी संघ पर्साका महासचिव तबरेज आलमले बताउनुभयो ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि