बाराको आदाभार जंगलमा बस पल्टिदा एक गर्भवती महिला सहित २ को मृत्यु



जेठ ६ पथलैया हेटौडा सडक खण्ड अन्तर्गत बाराको आदाभार जंगलमा शनिबार बिहान यात्रुवाहक बस पल्टिदा एक गर्भवती महिला सहित दुइ जनाको मृत्यु भएको छ । २० जना घाइते भएका छन् । घाइते मध्ये पाँच जनाको अवस्था गम्भिर रहेको छ । काठमाण्डौबाट जनकपुर तर्फ जाँदै गरेको ना ७ ख १६४१ नम्बरको बस आदाभर जंगलमा शनिबार बिहान पाच बजे तिर अनियन्त्रित भइ पल्टिदा त्यसमा सवार रहेका मध्ये दुइ जना यात्रुको मृत्यु भएको हो । मृत्यु हुनेमा धनुषाको रामपट्टी सिर्सियाकी २५ वर्षिया किरण साह र महोत्तरीको रतौली ६ का बल्ला यादव रहेका छन् । दुवै जनाको घटनास्थलमै मृत्यु भएको मध्यक्षेत्रीय ट्राफिक प्रहरी कार्यालय पथलैयाले जनाएको छ । दुर्घटनामा परि गम्भिर घाइते भएका महोत्तरीको पटियही ८ का ५० वर्षिय मन्सुर साह , धनुषाको कबाडहलका १८ वर्षिय इदम महम्मद , धनुषाको बाल्मिकी ८ का ४० वर्षिय रोहित यादव , धनुषाकै बाल्मिकी ३ का ४८ वर्षिय रामपुकार अधिकारी र धनुषाको दुहबी २ का २६ वर्षिय जमुना पण्डितको वीरगन्जको नारायणी उपक्षेत्रीय अस्पताल र वीरगन्ज हेल्थ केयरमा उपचार भइरहेको छ । अरु सामान्य घाइते १५ जना सिमरामा उपचार गराइ घर फर्किसकेको मध्यक्षेत्रीइ ट्राफिक प्रहरी कार्यालय पथलैयाका प्रहरी जवान सुशील राना मगरले जानकारी दिनु भयो । तिब्र गतिमा रहेको बस आफै अनियन्त्रित भइ सडक छेउमा पल्टिएको मगरले बताउनु भयो । बसका चालकलाइ इलाका प्रहरी कार्यालय सीमराले नियन्त्रणमा लिएको छ ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन