बारामा फेरि एक जना पुरुषको शव फेला



चैत २९ बारामा मंगलबार फेरि बोरामा पोका पारेर फलिएको अवस्थामा एक जना पुरुषको शव फेला परेको छ । महागढीमाइ नगरपालिका वडा नम्बर २ बबुआइनर स्थित सडकमा जुटको बोरामा पोका पारेर फालिएको अवस्थामा शव फेला परेको हो । मैनी लक्ष्मणवा सडकखण्डमा अवस्थित मकैबारीको छेउमा बोरामा पोका पारेर फालिएको अवस्थामा अन्दाजी ५०÷५५ वर्ष उमेरका अपरिचित पुरुषको शव फेला परेको बाराका प्रहरी निरिक्षक अरुण कुशवाहाले जानकारी दिनु भयो । मृतक पुरुषको दाहिने आँखा माथि र नाकमा धारिलो हतियारले प्रहार गरिएको घाउ रहेको र अनुहार रगतले लत्पतिएको अवस्थामा शव फेला परेकाले हत्या नै भएको हुन सक्ने अनुमान गरिएको प्रहरी निरिक्षक कुशवाहाले बताउनु भयो । मृतकको अहिले सम्म सनाखत नभएको र शव पोष्टमार्टमका लागि जिल्ला अस्पताल कलैयामा पठाइएको प्रहरी निरिक्षक कुशवाहाले जानकारी दिनु भयो । यसअघि बाराकै नौतन स्थित सिंघाही नदीको छेउमा गत चैत १३ गते वीरगन्जको रामगढवा स्वास्थ्य चौकीमा कार्यरत अनमी बबिता पण्डितको हत्या गरि बोरामा पोका पारेर फालिएको अवस्थामा शव फेला परेको थियो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन