बिग्रिएको जेनेरेटर मिसिन बनाउने क्रममा आज बिहान एक मिस्त्रिको मृत्यु



प्रमोद यादव
पचगावाँ,१५ असोज । पर्साको पर्सागढी नगरपालिका वडा नम्बर ३ बडनिहारमा संचालित अन्नपूर्ण दुग्ध उत्पादक सहकारी सस्थाको बिग्रिएको जेनेरेटर मिसिन बनाउने क्रममा आज बिहान एक मिस्त्रिको मृत्यु भएको छ । मृत्यु हुनेमा पर्सागढी नगरपालिका वडा नम्बर ३ निवासी ५० वर्षिय रामप्रसाद चौधरी रहेका छन् ।आज बिहान जेनेरेटर बनाउने क्रममा उनको मृत्यु भएपनि मृत्युको कारण भने खुल्न सकेको छैन ।

तर मृतकका आफन्तहरुले भने जेनेरेटर बनाउने क्रममा करेन्ट लागेर चौधरीको मृत्यु भएको दाबी गरेका छन् । मृतकका परिवारलाइ क्षतिपुर्तिको ग्यारेन्टी नभए सम्म शवको पोस्टमार्टम गर्न नदिने भन्दै मृतकका आफन्तहरुले बिरोध गरेपछि स्थानीय जनप्रतिनिधि , सहकारी सस्थाका पदाधिकारी र राजनितीकर्मी बिच बार्ता भएको र वार्तामा सहकारी संस्थाले ७ लाख २५ हजार रुपैया उपलब्ध गराउने सहमति जनाएको छ ।

यस्तै मृतकका परिवारका एक जनालाई दुग्ध उत्पादक सहकारी सस्थामा रोजगारी दिने सहमती पनि भएको सहकारी संस्थाका अध्यक्ष जगरनाथ तिवारीले बताउनुभयो । वार्तामा सहमति भएपछि चौधरीको शव, प्रहरीले मुचुल्का उठाई पोस्टमाटमको लागि बिरगंज स्थित नारायणी अस्पतालमा पठाएको बिरुवागुठि प्रहरी चौकिका इन्चार्ज रासनारायण यादबले जानकारी दिनुभयो ।

 


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि