भारतमा भन्दा नेपालमा डिजेलको मुल्य सस्तो भएपछि पर्सामा डिजेलको तस्करी बढ्दो



वीरगन्ज,२० असोज । भारत भन्दा नेपालमा डिजेलको मुल्य सस्तो भएपछि वीरगन्ज क्षेत्रमा डिजेलको तस्करी बढेको छ । नेपालको तुलनामा हाल भारतमा डिजेल र पेट्रोल क्रमशः २७ र ३० रुपैयाँ महँगो पर्छ । त्यसैले नेपालबाट भारततर्फ तस्करी बढेको हो । हाल वीरगन्जमा प्रतिलिटर पेट्रोल १२८ रुपैयाँ पर्छ भने डिजेल प्रतिलिटर १११ रुपैयाँमा विक्री भइरहेको छ ।

दुई दिन अगाडि पर्साको जगरनाथपुरबाट प्रहरीले भारत तर्फ लाँदै गरेको अवस्थामा ७० लिटर डिजेल बरामद हुनुले पनि पर्सामा डिजेल तस्करी बढेको पुष्टी हुने प्रहरी अधिकारीको तर्क छ । ३ वर्षयता भारतमा भन्दा नेपालमा इन्धन सस्तो पर्दै आएको छ । त्यसैले भारततर्फ इन्धन तस्करी भइरहेको हो ।

वीरगन्ज लगायतका सीमावर्ती बजारका पेट्रोल पम्पमा इन्धन भर्न आउने भारतीय सवारीसाधनको चाप बाक्लै हुन्छ । मुलुकमै सर्वाधिक इन्धन आयात हुने नाका वीरगन्ज÷आईसीपी भन्सार नाकाबाट समेत इन्धनको आयात बढेको तथ्यांकले देखाएको छ । गत र अघिल्लो आर्थिक वर्षमा पनि कोरोना महामारीको समयमा सवारीसाधन कम चलेका थिए ।

तर, ती दुवै आर्थिक वर्षमा वीरगन्ज नाकाबाट इन्धन आयात बढेको भन्सार कार्यालयको तथ्यांकले देखिन्छ । गत आर्थिक बर्षमा वीरगन्ज नाका हुँदै ६४ अर्ब ६० करोड ५४ लाख ६७ हजार रुपैयाँ बराबरको ११ लाख ८९ हजार ७ सय ७३ किलो लिटर डिजेल आयात भएको छ । अघिल्लो आर्थिक बर्षमा ५८ अर्ब २३ करोड ४ लाख ८३ हजार रुपैयाँ बराबरको १० लाख २३ हजार ५ सय ९४ किलो लिटर डिजेल आयात भएको थियो ।

भन्सार तथ्यांकले पेट्रोलको आयात पनि बढेको देखाएको छ । गत आर्ष यो नाका हुँदै १७ अर्ब ८४ करोड २६ लाख २५ हजार रुपैयाँ बराबरको ३ लाख २८ हजार ९ सय ५२ किलो लिटर पेट्रोल आयात भएको छ । अघिल्लो आर्थिक बर्षमा यो नाका हुँदै १७ अर्ब २४ करोड १३ लाख ९९ हजार रुपैयाँ बराबरको ३ लाख ११ हजार १ सय ३७ किलोलिटर पेट्रोल आयात भएको थियो ।

पर्साका प्रहरी उपरीक्षक बेल बहादुर पाँण्डेले पनि डिजेलको तस्करी भएको बताउदै नियन्त्रणका लागि प्रयास भएपनि प्रर्याप्त नभएको बताउनुभयो ।

 


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
बडादसैँको चौँथो दिन कुष्माण्डा देवीको पूजा आराधना गरिँदै