मुस्कान खातुनलाइ एसीड प्रहार गरेर घाइते बनाएका युवक, फेरि पक्राउ



वीरगन्ज,१४ असोज । वीरगन्जमा दुइ वर्ष पहिले मुस्कान खातुनलाइ एसीड छ्यापेर घाइते बनाएका युवकलाइ प्रहरीले फेरि पक्राउ गरेको छ । वीरगञ्ज महानगरपालिका वडा नम्बर २ छपकैया बस्ने १९ वर्षीय समशाद मियाँलाई प्रहरीले हिजो फेरि पक्राउ गरेको हो ।

२०७६ साल भदौ २० गते वीरगञ्ज–४ गणेशमान चोकमा तत्कालीन १५ वर्षीया मुस्कान खातुनलाई सम्साद र मजिद आलमले एसीड प्रहार गरेका थिए ।घटना लगतै पक्राउ परेका सम्साद र मजिद विरूद्ध ज्यान मार्ने उद्योग तथा तेजाब प्रहार गरी अनुहार कुरुप पार्नेसम्बन्धी कसूरमा अनुसन्धान तथा अभियोजन भई पर्सा जिल्ला अदालतको आदेशले दुवै जनालाइ तत्काल पूर्पक्षको लागि बालसुधार गृह पठाइएको थियो ।

तर कोभिड–१९ को पहिलो लहरको प्रकोपका बेला २०७६ साल चैत ११ गतेको अदालतकै आदेश अनुसार चैत १२ गते सम्सादलाइ उनको आमाको जिम्मा लगाएर घर पठाइएको थियो । त्यस बेला उनलाइ २०७७ बैशाख १४ गते पुन बालसुधार गृहमा ल्याएर जिम्मा लगाउन अदालतले आदेश दिएको थियो ।

तर सम्साद , २०७७ साल बैशाख १४ गते बालसुधार गृहमा हाजीर नभइ आफनै घरमा बस्दै आएका थिए । यहि बिच २०७७ साल फागुन २६ गते पर्सा जिल्ला अदालतले सम्साद विरुद्ध बाँकी कैद ५ महिना १६ दिन पूनः बालसुधार गृहमा राखी भुक्तान गर्ने गरी १ वर्ष कैद सजाय तोकेको थियो ।तर फैसला कार्यान्वयन गर्ने सिलसिलामा सम्साद फरार भएका थिए ।

उनलाई हिजो वीरगञ्ज–२ ईदगाह चोकबाट नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले जानकारी दिनुभयो ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि