वर्षाले खेतमै धानबाली भिज्नुका साथै डुबानमा परेपछि किसानहरु चिन्तित्



वीरगन्ज, २ कात्तिक । अहिले भइरहेको लगातारको वर्षाबाट खेतमै डुबेको र भिजेको धानबाली जोगाउन तिर ध्यान दिन कृषि विज्ञहरुले किसानलाइ सुझाव दिएका छन् । तीन दिन यता लगातार परिरहेको वर्षाले खेतमा पाकी सकेको धानमा नोक्सानी पुरयाएपछि चिन्तामा परेका किसानहरुलाइ कृषि विज्ञहरुले विभिन्न सुझाव दिएका छन् ।

वर्षाको पानीले तराई मधेस र पहाड सबैतिर पाकेको र काटेको धान खेतमै डुबेको छ । कतै बगाएको छ भने केही ठाउँमा हावाहुरीसँगैको पानीले धान खेतमै ढालेको छ । पानीमा रुझेको धानको चामल सग्लो नहुने र आधा हुने भएकाले उत्पादन घट्ने र लगानी डुब्ने किसानहरुको चिन्ता छ ।

काटेर खेतमा रहेको धानलाई अन्त खाली ठाउँ या ओत लाग्ने जग्गा भए निकालेर राख्न र जग्गा नभए खेतमै छेउमा ठुलो खाडल बनाएर पानी तर्काउन सकिने कृषि ज्ञान केन्द्र पर्साका कृषि प्राविधीक सुरेश चौरसीयाले बताउनुभयो । धान ढलेको खेतमा पानी जम्न नदिन निकासको व्यवस्था गर्नु पर्ने उहाको सुझाव छ ।

धानको बालालाई जोगाउन सके पनि धेरै नोक्सानी बेहोर्न नपर्ने उहाँको भनाइ छ । साथै एक÷दुई दिनपछि घाम लागेमा एक÷दुई दिन धान घाममा सुकाएर चुट्न पनि चौरसीयाको सुझाव छ ।खेतको छेउ वा भित्तामा बाला राख्ने, पानी भरिएको खेतमा पानीको निकास बनाउने र चिस्यान कम गर्न सके धेरै क्षति हुन नपाउने चौरसीयाले बताउनुभयो ।

अहिले नै कुन्यु बनाएर राख्दा गन्ध आउने भएकाले ओभानो ठाउँमा फिँजाएर राख्नुपर्नेमा उहाँको जोड छ । धान पाकेको अवस्था भए पनि केही दिन नकाट्न पनि चौरसीयाको सुझाव छ । चौरसीयाका अनुसार पानी रोकिएपछि राम्रोसँग सुकाएर भित्र्याउन सकेमा धानमा हुने क्षति कम गर्न गर्न सकिन्छ ।


प्र तिक्रिया दिनुहोस !

सम्बन्धित खबरहरु

रोट्री र रोट्रयाक्ट क्लब अफ वीरगन्ज मेट्रोपोलिसको संयुक्त आयोजनामा म्याराथन दौड प्रतियोगिता सम्पन्न
विजय सरावगी जसपाको केन्द्रीय सदस्यमा मनोनित, प्रदीप यादव केन्द्रीय सदस्यबाट निष्काशित
प्रेस सेन्टर नेपाल पर्सा शाखाको पाँचौं जिल्ला सम्मेलनबाट नयाँ नेतृत्व चयन
वीरगन्ज महानगरपालिका ३२ वटा वडा मध्ये अहिले सम्म १५ वटा वडामा नेपाली काँग्रेसको वडा अधिवेशन सम्पन्न