विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी



माधव तिमिल्सिना
ठोरी,१०असोज । पर्साको ठोरी गाउँपालिका वडा नम्बर ४,विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी भएको पाइएको छ । विजयवस्तीमा रहेको चौधरी मोटरसाइकल मर्मत केन्द्रबाट गएराति मोटरसाइकलको पाटपुर्जा चोरी भएको हो ।

विजयवस्ती प्रहरी चौकीको करीब १ सय मिटर अगाडि २ वर्ष अघिदेखि सन्चालनमा रहेको पसलबाट मोटरसाइकलको टायर , चेन स्पोकेट , ह्याण्डल लगायतको करीब ३० हजार बराबरको सामान चोरी भएको पसल सन्चालक राजन चौधरीले जानकारी दिनुभयो ।

पसलमा मर्मत गर्नका लागि राखिएको ना ११ प २६१९ नम्बरको यमाहा कम्पनीको एफजेड मोडलको मोटरसाइकलको पाटपुर्जा चोरी हुँदा समेत १ सय मिटर अगाडि रहेको प्रहरीले थाहा नपाउनु आश्चर्य लागेको विजयवस्तीका स्थानीयले बताएका छन् ।

मर्मतका लागि राखिएको मोटरसाइकललाई प्रहरी चौकीकै अगाडिको बाटो हुँदै लगिएको र चौकीबाट करीब ५ सय मिटर दक्षिणतर्फ लगेर महत्त्वपूर्ण पाटपुर्जा निकालेर फालिएको अवस्थामा फेला परेको पीडित पसल सन्चालक चौधरीले बताउनुभयो ।

चोरीबाट ठुलो क्षति पुगेको पसल संचालक चौधरीले गुनासो गर्नुभयो । सिमावर्ती भारतीय गाउँका ऊनी विजयवस्तीमा नै बसेर मोटरसाइकल मर्मत गर्ने पसल सन्चालन गरिरहेका छन् ।

 


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि