विश्व रेडक्रस दिवस, आज नेपालमा पनि विभिन्न कार्यक्रम गरी मनाइँदै



बैशाख २५ विश्व रेडक्रस दिवस, आज नेपालमा पनि विभिन्न कार्यक्रम गरी मनाइँदैछ । रेडक्रस सोसाइटीका संस्थापक जाँ हेनरी ड्युनाको सम्झनामा हरेक वर्ष मे ८ तारिखका दिन यो दिवस मनाउने गरिन्छ । अन्तराष्ट्रिय मानवीय सहायता, मानव जीवन र स्वास्थ्यको रक्षा, सबैप्रति आदर र विपद्लाई कम गर्ने उद्धेश्यका साथ स्थापना भएको रेडक्रसमा अहिले विश्वका २ करोड भन्दा बढी मानिस स्वयम्सेवकका रुपमा कार्यरत रहेका छन् । नेपालमा विक्रम संवत २०२० सालमा स्थापना भएको रेडक्रस सोसाइटीको अहिले सबै जिल्लामा शाखा र १ हजार भन्दा बढी उपशाखाहरु रहेका छन् ।
यसैबीच विश्व रेडक्रस दिवसको अवसरमा वीरगञ्जमा पनि सोमबार विभिन्न कार्यक्रम आयोजना गरिएको छ । दिवसको अवसरमा रक्त सञ्चार केन्द्र वीरगञ्जमा कार्यबहाक सभापति मधु राणाले झण्डोत्तोलन गर्नुभएको रेडक्रस सोसाईटी पर्साले जनाएको छ । त्यस्तै विश्व रेडक्रस दिवसकै अवसरमा नारायणी उपक्षेत्रिय अस्पताल परिसरमा सोमबार सरसफाई समेत गरिएको रक्तसञ्चार केन्द्र वीरगञ्जका प्रमुख प्रविण मानन्धरले जानकारी दिनुभयो ।
यसैबीच रेडक्रस दिवसकै अवसर पारेर पर्साको पटेर्वा सुगौली गाउपालिका वडा नंबर ७ निचुटामा रहेको निचुटा माध्यमिक विद्यालयले सोमबार सचेतनामुलक ¥याली निकालेको छ । खुल्ला दिसामुक्त अभियान अन्र्तगत ‘एक घर एक चर्पी सफा राखौं हाम्रो धर्ती’ भन्ने नाराका साथ ¥याली निकालिएको हो । विद्यालय परिसरबाट निकालिएको ¥याली गाउँको परिक्रमा गरि विद्यालयमै फर्किएर सम्पन्न भएको रेडक्रस सोसाईटी पर्सा शाखाका सामाजिक परिचालक हरि किशोर शर्माले जानकारी दिनुभयो । ¥यालीमा प्रधानाध्यापक श्याम प्रसाद घिमिरे, नेपाल रेडक्रस सोसाईटी उपशाखा निचुटाका सभापति राजदेव प्रसाद, शिक्षक, विद्यार्थी ,अभिभावकहरुको सहभागीता रहेको थियो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन