वीरगञ्जको मानव सेवा आश्रमका लागि कोशिश फाउन्डेसनद्धारा ह्विलचियर सहयोग



जेठ १९ वीरगञ्जमा सञ्चालित मानव सेवा आश्रमको शाखाका लागि कोशिश फाउन्डेसनले दुई थान ह्विलचियर हस्तान्तरण गरेको छ । शाखामा आश्रित हिडडुल गर्न नसक्ने व्यक्तिहरुको लागि अत्यावश्यक पर्ने ह्विल चियर हस्तान्तरण गरिएको हो । ह्विल चियर हस्तान्तरणका लागि आश्रम पुग्नुभएका फाउण्डेसनका संयोजक मदन गुप्ताले आश्रमका लागि थप पाँच वटा पंखा प्रदान गर्ने प्रतिवद्धता जनाउनुभयो । उहाँले आश्रमका लागि जस्तोसुकै चिकित्सकीय सेवा प्रदान गर्न आफ्नो फाउण्डेसन तयार रहेको पनि बताउनुभयो । कार्यक्रममा बोल्दै सामाजिक अभियन्ता प्रकाश थारुले कोशिश फाउण्डेशनले लामो समयदेखि नै सामाजिक कार्य गर्दै आएको भन्दै प्रशंसा गर्नुभयो । आश्रमका संरक्षक डाक्टर दिपक शाक्यले वीरगञ्जमा दाताको कमी नरहेको बताउनुभयो । उहाँले आफ्नो घर आफैं बनाउनुपर्ने भन्दै अरुको मुख ताकेर नबस्न सबैसँग आग्रह गर्नुभयो । मानव सेवा आश्रम हेटौंडाको आठौं शाखाको रुपमा गत जेठ १५ गतेबाट वीरगञ्जमा सेवा शुरु गरिएको छ । आश्रम शाखा संयोजक अंशु कार्कीले ३० बर्षिय शंकर , मानव आश्रममा आश्रित रहेको बताउनुभयो । एक महिना पहिले नै उद्दार गरी उहाँलाई नारायणी उपक्षेत्रिय अस्पतालमा उपचार पछि जेठ १५ गतेदेखि आश्रममा राखिएको छ ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन