वीरगन्जका दुईवटा भन्सार नाकाबाट गत आर्थिक बर्षमा ८२ अर्बको बैदेशिक कारोबार




वीरगन्ज, १२ साउन । वीरगंजस्थित दुईवटा भन्सार नाकाबाट गत आर्थिक बर्ष २०७७÷७८ मा करीब ५ खर्ब ८२ अर्बको वैदेशिक कारोबार भएको छ । वीरगंजको आइसिपी र सुक्खा बन्दरगाहा भन्सार नाकाबाट सो मूल्यबराबरको सामान आयात–निर्यात भएको छ ।

वीरगंज भन्सार नाकाको आइसिपी भन्सारबाट ५ खर्ब १३ अर्ब रुपैयाँँको मालसामान आयात भएको छ भने रु ५३ अर्ब रुपैयाँँको सामान निर्यात भएको छ । त्यसैगरी, सुक्खा बन्दरगाहा भन्सार नाकाबाट रु २६ अर्ब १६ करोडको मालसामान भित्रिएको थियो भने रु ३८ करोड रुपैयाँबराबरको सामान भारत तथा तेस्रो मुलुकमा निकासी भएको भन्सार अधिकारीहरूले बताएका छन् ।

वीरगंज भन्सारबाट अघिल्लो आव २०७६÷७७ को तुलनामा गत आवको कुल व्यापार २७ प्रतिशतले बढेको छ । आयातको आकार २४ प्रतिशतले वृद्धि हुँदा निर्यात ६६ प्रतिशतले बढेको भन्सारको तथ्याङ्क छ । निर्यात व्यापारमा भटमास र सूर्यमुखीको प्रशोधित तेलको मुख्य योगदान रहेको वीरगंज भन्सारका प्रमुख भन्सार अधिकृत हरिहर पौडेलले जानकारी दिनुभयो ।

आवको अन्त्यतिर सवारीसाधन चल्न थालेकाले इन्धनको आयात बढेको थियो । नयाँ सवारीसाधनको जाँचपास पनि पछिल्लो महीनामा बढेको भन्सारको तथ्याङ्कले देखाउँछ । जुत्ता, चप्पल, हार्डवेयर, उपकरण, गाडीका पार्टपुर्जाजस्ता सामानको आयात भने घटेको जानकारी पौडेलले दिनुभयो । वीरगंज भन्सार नाकाबाट भित्रिने मुख्य वस्तुमा सवारीसाधन र पेट्रोलियम पदार्थ मुख्य हुन् ।

निर्याततर्फ भटमासको तेल, जुस, कपडा, जुत्तालगायतका सामग्री रहेका छन् । सुक्खा बन्दरगाह भन्सारबाट गत वर्ष फलाम उद्योगका कच्चा पदार्थ, केराउ, मदिरा, तोरी, मरिच, सूर्यमुखीको अर्धप्रशोधित तेल बढी भित्रिएको उक्त भन्सारका सूचना अधिकारी चूडामणि शर्मा कट्टेलले जानकारी दिनुभयो । यो अवधिमा चाउचाउ, अचार, पीठो, टायर, छाला, जडीबुटीलगायतका वस्तु निर्यात भएको कट्टेलले बताउनुभयो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन