वीरगन्जकी एसिड पीडित किशोरी खातुनलाई वीरगन्ज महानगरपालिकाद्धारा आर्थिक सहयोग प्रदान



वीरगन्ज,१८ असोज । एसिड पीडित मुस्कान खातुनको उपचारका लागि वीरगन्ज महानगरपालिकाका नगरप्रमुख विजय कुमार सरावगीले दुइ लाख रुपैया सहयोग गर्नुभएको छ । हिजो आफनै कार्यकक्षमा बोलाएर सरावगीले मुस्कानलाइ दुइ लाख रुपैयाको चेक प्रदान गर्नुभएको हो ।

चिकित्सकहरुले मुस्कानलाई बताए अनुसार , एसिड प्रहारले घाटी , पेट र छातीमा भएको घाउको तत्कालै शल्यकृया गर्नु पर्नेछ । त्यसका लागि ३ लाख भन्दा बढि खर्च लाग्ने भएको छ । तर, मुस्कानसंग त्यति रकम नभएको खबर पाएपछि नगर प्रमुख सरावगीले हिजो उनलाइ दुइ लाख रुपैया सहयोग गर्नुभएको हो ।

आफ्नो तलब भत्ताको रकम जम्मा गर्दै आएको मेयर कल्याणकारी कोषबाट तत्कालका लागि दुइ लाख रुपैया मुस्कानको उपचारका लागि सहयोग गरेको सरावगीले बताउनुभयो । सरावगीले एसिडले मुस्कानको कानको पनि सर्जरी गर्नु पर्ने र त्यसका लागि १२ लाख रुपैया जति खर्च लाग्ने कुरा गरेका कारणले
आफूले मुख्यमंत्रीलाई पनि सहयोग गर्न भनेको बताउनुभयो । सरावगीबाट दुइ लाख रुपैया सहयोग पाएपछि खुशी व्यक्त गर्दै मुस्कानले अप्रेशनका लागि पैसाको जोहो नहुदा परिवार नै तनावमा रहेको र दुइ लाख पाएप्छि धेरै आश पलाएको बताउनुभयो ।

वीरगन्ज महानगरपालिका वडा नम्बर २ की १५ वर्षीया मुस्कानलाइ , २०७६ भदौ २० गते विद्यालय जाने क्रममा वीरगन्ज ४ गणेशमान चोकमा मजिद मिया र सम्साद मियाले उनको अनुहार र शरिरमा एसीड प्रहार गरेर घाइते बनाएका थिए । घाइते भएकी समय देखि मुस्कानको काठमाण्डौको किर्तिपुर स्थित बर्न हस्पिटलमा उपचार हुदै आएको छ ।


प्र तिक्रिया दिनुहोस !

सम्बन्धित खबरहरु

टीकाको उत्तम साइत बिहान १० : ०२ बजे शुरु गरियो
सामुदायिक रेडियो माडीको चौथो अधिवेशन सम्पन्न, नयाँ कार्यसमिति गठन
बडा दसैँको मुख्य दिन आज देखि सुरु, वीरगन्जको प्रसीद्ध शक्तिपिठ गहवामाइ मन्दिरमा पनि हर्षोल्लाशका साथ फुलापाती भित्रयाइयो
नेपालमा पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि