वीरगन्जको सुख्खा बन्दरगाहद्धारा लक्ष्य भन्दा बढी राजश्व संकलन गर्न सफल



बिरगन्ज,११ असोज । वीरगन्जको सुख्खा बन्दरगाह भन्सार कार्यालये चालू आर्थिक वर्ष २०७८÷०७९ को पछिल्लो दुई महिनामा लक्ष्यभन्दा बढी राजस्व सङ्कलन गरेको छ । पर्साको सिर्सियामा रहेको उक्त कार्यालयले विभिन्न मुलुकबाट भारतको कोलकाता बन्दरगाह हुँदै रेलमार्गबाट कन्टेनर मार्फत नेपालमा भित्रिएका सामानहरुबाट राजश्व संकलन गरेको हो ।

यो भन्सारमा एकपटकमा ९० वटासम्म कन्टेनर मार्फत विविध सामग्री नेपालमा आउने गर्दछ । गत साउन र भदौमा कूल ७ अर्ब,७ करोड ५३ लाख ५६ हजार राजस्व सङ्कलन गर्ने लक्ष्य लिइएको थियो । त्यसमा लक्ष्यभन्दा २० दशमलव ९६ प्रतिशतले वृद्धि भई कूल ८ अर्ब ५५ करोड ८१ लाख राजस्व सङ्कलन भएको छ ।

लामो समयको कोभिड–१९ को असहज अवस्था बिस्तारै सुधार हुँदै जाँदा भारतसहित तेस्रो मुलुकबाट नेपालमा पछिल्लो समय सामग्रीको आयात बढेकाले लक्ष्यभन्दा बढी राजस्व सङ्कलन भएको कार्यालय प्रमुख डा.लालबहादुर खत्रीले जानकारी दिनुभयो ।

बढी राजस्व सङ्कलन हुनेमा भन्सार महसुल पैठारीतर्फ कूल तीन अर्ब ९० करोड ८२ लाख ९६ हजार र मूल्य अभिवृद्धि करतर्फ कूल तीन अर्ब ९८ करोड ७६ लाख ८५ हजार ६७१ रुपैयाँ सङ्कलन भएको छ ।

उक्त नाकामा विशेष गरी भारतसहित जापान, अमेरिका, बेलायत, इजरायल, दक्षिण कोरिया, खाडी क्षेत्रका विभिन्न देशबाट सामग्री आयात हुन्छ । ठूला उद्योग कलकारखानाका लागि आवश्यक कच्चा पदार्थ, सवारी साधन, उपकरण तथा सामग्री, मदिराजन्य पदार्थ, तयारी पोसाक लगायत सामग्री तेस्रो मुलुकबाट भित्रिन्छ ।

 


प्र तिक्रिया दिनुहोस !

सम्बन्धित खबरहरु

चाडवाड बढेसँगै वीरगन्ज भन्सारबाट हलुका सवारी साधनको आयात बढ्यो
कोअपरेटिभ लिडर्स क्लब पर्साको आयोजनामा विजयादशमी,शुभ दिपावली तथा छठ पर्वहरुको शुभकामना आदान प्रदान कार्यक्रम सम्पन्न
भारतमा भन्दा नेपालमा डिजेलको मुल्य सस्तो भएपछि पर्सामा डिजेलको तस्करी बढ्दो
वीरगन्ज पथलैया सडकखण्डमा मापदण्ड बिपरित पेट्रोल पम्पहरु संचालित