श्रीलंकामा खाद्य आपतकाल घोषणा, आपूर्तिमा समन्वय गर्न सेना परिचालन



एजेन्सी ,१५ भाद्र । कोरोना संक्रमणको चपेटामा परेको श्रीलंकाले खाद्यान्न अभावको कारण आपतकाल घोषणा गरेको छ । विदेशी मुद्रा संकट बढ्दै गएपछि खाद्य आपतकाल घोषणा गरिएको हो ।
राष्ट्रपति गोटाबाया राजापाक्षेले देश कठिन आर्थिक संकटमा परेको बेला आवश्यक खाद्य पदार्थहरूको भण्डारण रोक्न आदेश दिनुभएको छ । उहाँले आपतकालीन अवस्थाको लागि चिनी, चामल र अन्य आवश्यक खाद्य पदार्थहरूको भण्डारण रोक्न आदेश दिनुभएको हो ।
व्यापारीहरुद्वारा राखिएको खाद्य स्टक कब्जा गर्न, आवश्यक खाद्य पदार्थहरू जम्मा गर्नेलाई गिरफ्तार गर्न र नियन्त्रित मूल्यहरू तय गर्न भनिएको छ । उपभोग्य वस्तुहरूको आपूर्तिमा समन्वय गर्न राजापाक्षेले एक उच्च सैन्य अधिकारीलाई आवश्यक सेवाहरूको कमिश्नर जनरल नियुक्त गर्नुभएको छ ।
यो कदमले चिनी, चामल, प्याज र आलुको मूल्यमा भारी वृद्धि भएको छ भने दुधको पाउडर, केरोसिन तेल र खाना पकाउने ग्यासको अभावका कारण स्टोरहरू बाहिर लामो लाइन लागेको छ । केहि व्यापारीहरूले खाद्यान्न मौज्दात राख्दा खाद्य वस्तुहरूको अभावले जनतालाई असुविधा पैदा भएको जनाइएको छ ।
कोरोना महामारीको कारण सन् २०२० मा अर्थव्यवस्था ३ दशमलब ६ प्रतिशतले संकुचित भएको थियो । जसका कारण गत वर्ष मार्चमा सरकारले विदेशी मुद्रा बचाउनका लागि खाद्य तेल र बेसारलगायतका खानामा प्रयोग हुने अत्यावश्यक मसलासहित सवारी साधन र अन्य वस्तुहरुको आयात प्रतिबन्ध लगाएको थियो ।

 


प्र तिक्रिया दिनुहोस !

सम्बन्धित खबरहरु

पर्सा बाराको उद्योग कलरकारखाना र गाडी ग्यारेजहरुमा आज विश्वकर्मा पुजा भव्य रुपमा मनाइँदै
आज हरितालिका ,तीज शिवालयहरुमा वर्तालुको भीड
एमसीसी उपाध्यक्ष सुमारले पूर्वप्रधानमन्त्री ओलीसँग भेट गर्दै, विपक्षी दलका नेतासँग भेटेपछि मात्रै प्रधानमन्त्री देउवासँग भेटवार्ता गर्ने
लायन्स क्लब अफ समपर्णद्वारा वीरगन्ज चिनी कारखान आवासक्षेत्रको मन्दिर परिसरमा वृक्षरोपण सम्पन्न