५ किलो ३ सय ३४ ग्राम चाँदीको गहना सहित पर्सामा एक पक्राउ



वीरगन्ज, ६ साउन । पर्सा प्रहरीले ५ किलो ३ सय ३४ ग्राम चाँदीको गहना सहित एक जनालाई पक्राउ गरेको छ ।सिमावर्ती शहर रक्सौलबाट वीरगन्जतर्फ आउँदै गरेको अवस्थामा प्रहरी चौकी ईनर्वाले नियमित चेकजाँचका क्रममा आज बिहान सप्तरीको राजविराज उपमहानगरपालिका वडा नम्बर २ मेघरा स्थायी घर भई हाल चितवनको खैरहनी नगरपालिका वडा नम्बर २ मा श्रेया ज्वैलर्स सञ्चालन गरिरहेका ४३ वर्षीय अंगद साहलाई पक्राउ गरेको हो ।
पैदल हिँडिरहको अवस्थामा शंकास्पद देखेपछि वीरगन्ज र रक्सौलको सिमाना शंकराचार्य गेटनिर चेकजाँच गर्ने क्रममा साहले बोकेको कालो झोलाभित्र ५ किलो ३ सय ३४ ग्राम चाँदीको गहना बरामद भएको पर्साका प्रहरी प्रवक्ता प्रहरी नायब उपरीक्षक ओमप्रकाश खनालले बताउनुभयो । पक्राउ परेका साहलाई बरामद चाँदीसहित राजस्व अनुसन्धान कार्यालय पथलैयामा बुझाइने खनालले जानकारी दिनुभयो ।


प्र तिक्रिया दिनुहोस !

सम्बन्धित खबरहरु

धानमा मल हाल्ने समय सकिएप्छि मात्रै फेरि वीरगन्जमा मल यूरिया भित्राइद
विजयवस्तीमा प्रहरी चौकीको अगाडिबाट नै मोटरसाइकलको पाटपुर्जा चोरी
गादी खोला किनारको रूखमा एकजना झुण्डिएको अवस्थामा फेला
नेपाल भारत सीमा नाका खुला गर्ने सरकारले निर्णय गरेको आज एकहप्ता बितिसकेको भएपनि अझै सीमा खोल्ने संकेत देखिएन