बारा सिंगहा खोलाको डिलमा मृत अवस्थामा भेटिएकी महिलाको परिचय खुल्यो



चैत्र १५ बाराको प्रसौनी गाविस वडा नम्बर ८ नौतन स्थित सिंगहा खोलाको डिलमा गत आइतवार मृत अवस्थामा भेटिएकी महिलाको परिचय खुलेको छ । मृतक महिला सर्लाहीको सिसौटीया घर भइ वीरगन्जको रामगढवा स्थित स्वास्थ्य चौकीमा कार्यरत अनमी बबीता पण्डित रहेको बाराका प्रहरी निरिक्षक अरुण कुशवाहाले जानकारी दिनु भयो । रामगढवा स्वास्थ्य चौकीमा विगत एक वर्ष देखि काम गर्दै आएकी पण्डितको शव गत आइतवार बारा नौतन स्थित सिंगहा खोलाको छेउमा बोरा भित्र पोका पारेर फालिएको अवस्थामा फेला परेको थियो । अन्दाजी ३० वर्ष उमेरकी विवाहीता महिला रहेकी पण्डितको घाटीमा दुइ वटा डोरी बाधिएको र टाँउमा धारिलो हतियारले प्रहार गरेको घाउबाट रगत बगीरहेको अवस्थामा शव फेला परेको थियो । मृतक पण्डितको शव पोष्टमार्टम गरि कलैया स्थित जिल्ला अस्पतालमा राखिएको छ । शवको प्रकृति र पोष्टमार्टम रिपोर्ट अनुसार पण्डितको हत्या नै भएको पुष्टि भइसकेको भएपनि हत्याको कारण र त्यसमा संलग्न व्याक्तिहरुको बारेमा अनुसन्धान भइरहेको प्रहरी निरिक्षक कुशवाहाले बताउनु भयो ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन