पर्सामा भएको सवारी दुर्घटनामा १ जनाको मृत्यु



चैत्र २४ पर्सा पर्साको बहुदरमाई गाउपालिका वडा नं ८ मा बिहीबार भएको सवारी दुर्घटनामा १ जनाको मृत्यु भएको छ । अन्य तीन जना घाईते भएका छन् । बिहीबार बिहान ६ बजे टाटासुमो पल्टिएर भएको दुर्घटनामा पर्साको पटेर्वा सुगौली गाउँपालिका वडा नं ७ निचुटा बस्ने ५५ बर्षिय थारु मुखिया विनको मृत्यु भएको हो । दुर्घटनामा परी थारुकै १५ बर्षिया छोरी काजोल विन, १० बर्षिय छोरा सञ्जु मुखिया र निचुटाकै ३० बर्षिया सुगन्धी देवि घाईते घाईते भएका छन् । उनीहरुको वीरगञ्जको नारायणी उपक्षेत्रिय अस्पतालमा उपचार भईरहेको पर्साका प्रहरी नायब उपरीक्षक चक्रराज जोशीले जानकारी दिनुभयो । तीनै जनाको अवस्था मध्यम खालको रहेको नारायणी अस्पतालका चिकित्सकले जनाएका छन् । निचुटाबाट वीरगञ्ज आउँदै गरेको बिआर १ पि ८५५४ नम्बरको भारतीय टाटासुमो महुवन र रामनगरीकोबीचमा पल्टिएर दुर्घटना भएको स्थानीय सन्दिप जयसवालले जानकारी दिनुभयो । तिव्र गतिमा रहेका कारण मोडमा टाटासुमो नहरमा पल्टिएको प्रत्यक्षदर्शीले बताएका छन् । दुर्घटनापछि चालक फरार रहेकोले खोजी भईरहेको पर्सा प्रहरीले जनाएको छ ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन