बाराका सिडिओ सहित सुरक्षा निकायका प्रमुखहरु मतदान स्थलको अवलोकनमा व्यस्त



बाराका प्रमुख जिल्ला अधिकारी सहित चार वटै सुरक्षा निकायका प्रमुखहरु सोमबार पनि जिल्लाका मतदान स्थल र केन्द्रहरुको स्थलगत अवलोकनमा व्यस्त भएका छन् । प्रमुख जिल्ला अधिकारी विजयकृष्ण मानन्धर सहित नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धानका प्रमुखहरु जिल्लाको मतदान स्थल र केन्द्रहरुको स्थलगत अवलोकनमा सोमबार पनि निस्किएका हुन् । मतदान स्थल र केन्द्रको सुरक्षाको अवस्था लगायत विविध विषयमा जानकारी लिन बिहिबार देखि चार वटै सुरक्षा निकायका प्रमुखहरुले स्थलगत अवलोकन गरिरहेको जिल्ला सुरक्षा समिति बाराले जनाएको छ । टोली आज सीमा क्षेत्रका मतदान स्थल र केन्द्रहरुको अवलोकनका लागि देवताल गाउँपालिका र सुवर्ण गाउँपालिका तर्फ प्रस्थान गरेको छ । जिपिएस मेशिन सहितको टोली सीमा क्षेत्रका मतदान स्थल र केन्द्रहरुको अवलोकनमा निस्किएको बाराका प्रमुख जिल्ला अधिकारी विजयकृष्ण मानन्धरले जानकारी दिनुभयो । टोलीले मतदान स्थल र केन्द्रको सुरक्षा अवस्था, केन्द्रसम्म पुग्ने बाटो, कर्मचारीहरु बस्ने व्यवस्था, मतदान स्थलको भवनको अवस्था लगायतका विषयमा जानकारी लिने जिल्ला सुरक्षा समिति बाराले जनाएको छ । ३ लाख ३३ हजार ६ सय ७८ जना मतदाताको लागि बारामा २ सय ९४ मतदान स्थल र ४ सय ५१ वटा मतदान केन्द्र निर्धारण गरिएको छ ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन