पर्साका बाढि पिडितहरुलाइ नारायणी एफ एमद्धारा राहत सामाग्री वितरण



भाद्र ६ बीरगंज मध्यतराइको पहिलो सामुदायिक रेडियो नारायणी एफ एमले पर्साको ग्रामीण भेगका बाढि पिडितहरुलाइ मंगलबार राहत सामाग्री वितरण गरेको छ । पाकाहा मैनपुर गाँउपालिकाको सबैठवा , धोबिया टोला , खेस्राहा , लहावर थकरी र भेलाहामा गरि बाढिले अति प्रभावित ५० घर परिवारलाइ नारायणी एफ एमले खाद्यान्न , झुल , नयाँ लत्ताकपडा लगायतका सामाग्री वितरण गरेको हो । बाढि पिडितहरुलाइ चामल ११ बोरा , त्रिपाल ५० थान , झुल २० थान , चिउरा एक बोरा , आलु एक क्वीन्टल ,नून ५० प्याकेटका साथै नयाँ लत्ताकपडा र औषधी वितरण गरिएको नारायणी एफ एमका प्रशासन तथा लेखा प्रमुख विदूर गौतमले बताउनु भयो । विभिन्न दाता एंव नारायणी एफ एममा कार्यरत सन्चारकर्मी र कर्मचारीहरुको आर्थिक सहयोगमा राहत सामाग्री खरिद र संकलन गरि बाढि प्रभावित क्षेत्रमै पुगेर पिडितहरुलाइ वितरण गरिएको उहाले बताउनु भयो । राहत वितरण गर्न गएको टोलीमा गौतमसंगै एफ एमका समाचार शाखामा कार्यरत विन्दु भुषण साह , सल्मा खातुन , एलब्य गुप्ता , सामाजिक अभियन्ता प्रकाश थारु लगायतको सहभागीता रहेको थियो ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन