सशस्त्र वन रक्षक र काठ तस्करबीच दोहोरो गोली हानाहान



मंसिर २२ बीरगञ्ज
पर्साको पटेर्वासुगौलीमा गएराति सशस्त्र वन रक्षक र काठ तस्करबीच भिडन्त भएको छ । काठ तस्करी गर्न लागेको समूह र सशस्त्र बन रक्षक बिच दोहोरो गोली हानाहान भएको हो । पर्साको राष्ट्रिय वन क्षेत्रबाट अबैध रूपमा काँचो सालको गोलिया काठ साईकलमा लोड गरि ल्याउँदै गरेको अवस्थामा सशस्त्र वन रक्षक र तस्कर समूह बीच भिडन्त भएको सशस्त्र वन रक्षक रामेश्वर यादवले जानकारी दिनुभयो । सुरक्षा निकाय प्रतिनिधि सभा र प्रदेश सभाको निर्वाचनमा केन्द्रित भएको मौका छोपेर काठ तस्करी गर्दै गरेको अवस्थामा जम्काभेट भएको र दोहोरो गोली हानाहान भएको उहाँले बताउनुभयो । पटेर्वा सुगौली गाउँ पालिका वाड नम्बर २ गादी जंगल नजिकै ईलाका वन कार्यालय गादी रङ्गपुरबाट सशस्त्र वन रक्षक रामेश्वर यादवको नेतृत्वमा खटिएको वन रक्षक टोली र तस्कर समूहबीच गोली हानाहान भएको हो । वन रक्षक टोलीलाई लक्षित गरेर तस्कर समूहले भरुवा बन्दुकबाट फायर गरेपछि जवाफि फायरिङ गरिएको सशस्त्र बन रक्षक रामेश्वर यादवले बताउनुभयो ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन