पर्सा, बारा लगायत तराईका जिल्लाहरुमा चिसाको कारण जनजिवन प्रभावित



पुस २ बीरगञ्ज पर्सा, बारा लगायत मध्य तराईका जिल्लाहरुमा आज पनि बिहानै देखि घाम नलागेका कारण चिसो बढेर जनजिवन प्रभावित भएको छ । केही उच्च हिमाली क्षेत्रमा हिमपात भएसँगै मध्यतराइमा विगत तीन दिनदेखी चिसो अत्याधीक बढेका कारण जनविजन प्रभावित भएको हो । आज पनि बिहानै देखि चिसो बढ्नुका साथै वीरगञ्ज र आसपासको क्षेत्रमा बाक्लो हुस्सु पनि लागेको छ । जल तथा मौसम विज्ञान विभागको सिमरा स्थित फिल्ड कार्यालयका अनुसार आज विहान वीरगन्ज र यस आसपासको क्षेत्रको न्युनतम तापक्रम १३ डिग्री सेल्सियस रहेको छ । चिसो अचानक बढेपछि खासगरी बालबालिका र वृद्धवृद्धालाई बढी असर गरेको छ । तीन दिन देखि बढेको चिसोका कारण बिधालय जाने कलिला बालबालिकाहरुलाई धेरै समस्या भएको हाम्रा सहकर्मी लालबाबु बानिँयाले जनाएका छन् । चिसोबाट बच्न मोटो उनीको कपडा लगाउन र झोलयुतm तातो तरल पदार्थ र खानेकुरा खान चिकित्सकहरुको सुझाव छ । बाक्लो कुहिरोका कारण बाराको सिमरा विमानस्थलको उडान आज तेश्रो दिन पनि प्रभावित बनेको सिमरा स्थित नागरिक उडड्यन कार्यालयले जनाएको छ ।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण
नवलपरासीका मिटर ब्याज पीडितको काठमाडौंमा आन्दोलन