वीरगन्ज महानगरपालिकाले फेरी छाडा पशु नियन्त्रणमा लिन थालयो



३०, मंसिर, नीरज,
वीरगन्ज महानगरपालिकाले फेरी छाडा पशु नियन्त्रणमा लिन थालेको छ । केही दिन सुस्ताएको छाडा चौपाया नियन्त्रण अभियान फेरी महानगरपालिकाले सुरु गरेको हो । आज मात्रै वीरगन्ज महानगरपालिकाले विभिन्न स्थानमा छाडा छोडिएका १२ वटा पशुचौपाया नियन्त्रणमा लिएको छ । वीरगन्ज महानगरपालिकाका नगर प्रहरी इन्चार्ज प्रभु पटेलको नेतृत्व र ग्रिनसिटी सामुदायिक केन्द्र आदर्शनगर वीरगन्जको सहयोगमा १२ वटा पशु चौपाया नियन्त्रणमा लिइएको वीरगन्ज महानगरपालिकाले जनाएको छ । महानगरवासीले जथाभावी पशु चौपाया खुला छोड्दा सडकमा पैदल हिड्न तथा सवारी आवागमनमा समेत समस्या हुदै आएको छ । पशुचौपायाका कारणले नगरमा हुने अवरोध हटाउनका लागि वीरगन्ज महानगरपालिकालाई चौपाया नियन्त्रणमा सहयोग गरेको ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतानले जानकारी दिनुभयो । पशुचौपाया नियन्त्रण अभियान आदर्शनगर क्षेत्रमा मात्रै नभई सबैठाउँमा हुनुपर्ने र यसका लागि वडाका स्थानीयको पहल हुनुपर्ने उहाँको भनाई छ । आफ्नो गाउँटोलकै व्यक्तिले पशुचौपाया छाडा छोड्दा केही नबोल्ने गरेकै कारणले पशुचौपाया पाल्नेहरुले पनि मनलाग्दी छाडा छोड्ने गरेका छन् । यसको नियन्त्रणमा टोलवासीको पनि महत्वपूर्ण भूमिका हुनुपर्ने महानगरपालिकाको जोड छ ।


प्र तिक्रिया दिनुहोस !

सम्बन्धित खबरहरु

नवलपरासीका मिटर ब्याज पीडितको काठमाडौंमा आन्दोलन
पालिका चुनावको लागि उम्मेदवारी दिनेको संख्या एक लाख ५२ हजार नाघ्यो मनोनयन दर्ता भएका उम्मेदवारको नामावली आज प्रकाशन हुने
म्यादी प्रहरी आजबाट परिचालन
स्नातक तहका विद्यार्थीहरु आश्रममा भोजनसेवा