बाँदरझुलामा रहेको सशस्त्र प्रहरीको बेस क्याम्पमा बिजुलीबत्ती पुग्यो



माधव तिमिल्सिना

ठोरी ,१७ साउन । ठोरीसंग सिमाना जोडिएको बाँदरझुलामा रहेको सशस्त्र प्रहरीको बेस क्याम्पमा बिजुलीबत्ती पुगेको छ । चितवनको माडी नगरपालिका –९ मा पर्ने विकट क्षेत्र बाँदरझुला गाउँमा रहेको सशस्त्रको क्याम्पमा पहिलोपटक आइतवार बिजुलीबत्ती बलेको छ ।
पर्साको ठोरी –१ , चौतारासंग सिमाना जोडिएको सो ठाउँमा विजुलीबत्ती नहुँदा स्थानीयका साथै सुरक्षाकर्मीलाई समेत समस्या हुँदै आएको थियो । चितवन जिल्लामा पर्ने ठाउँ भएपनि पर्साको पोखरीया वितरण केन्द्रले तत्काललाई सशस्त्रको बेस क्याम्पसम्म विद्युत पुर्याएको हो।

केबल तारमार्फत रुखमा तार झुण्ड्याएर क्याम्प सम्म विद्युत पुर्याइएको पोखरीया वितरण केन्द्र अन्तरगतको सुवर्णपुर फ्युज सेवाका प्रमुख रामलालले जानकारी दिए। चौताराबाट रुखमाथि तार टाँगेर झण्डै २ किलोमिटर दुरीमा रहेको क्याम्पसम्म बिजुली लगिएको उनले बताए।


चितवन राष्ट्रिय निकुन्जभित्र रहेको सो गाउँमा रहेको सशस्त्रको क्याम्पसम्म जेनतेन बिजुली पुगेपछि स्थानीयलाई पनि गाउँमा बिजुली बल्छ कि भन्ने आशा जागेको छ । निकुञ्जको कारण लामो समयदेखि स्थानीयले बिजुली बत्ती , यातायात जस्ता सेवाहरु सहज रुपमा पाउन नसकेको क्षेत्रमा सरकारी प्रतिनिधिका रुपमा रहेको सशस्त्र प्रहरीले आइतवार बिजुली बालेको हो।


प्र तिक्रिया दिनुहोस !

सम्बन्धित खबरहरु

रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
युवालाई रोजगार सृजना गर्न ‘हाम्रो सानो प्रयास’ प्रशिक्षण
निजगढ अन्तर्राष्ट्रिय विमानस्थल निर्माणको काम अविलम्ब सुरू गर्न माग
विश्व रक्तदाता दिवसको अवसरमा विश्रामपुरमा आयोजित रक्तदान कार्यक्रममा ५ महिला सहित २६ जनाद्वारा रक्तदान