लामो समयदेखि बन्द रहेको वीरगन्जको घण्टाघरको घडी आजदेखि सञ्चालनमा आएको छ



वीरगन्ज, १६ कात्तिक । लामो समयदेखि बन्द रहेको वीरगन्जको घण्टाघरको घडी आजदेखि सञ्चालनमा आएको छ । आज यमपञ्चकको पहिलो दिन अर्थात धनतेरशको शुभदिन पारेर घण्टाघरको घडी पुनः सञ्चालनमा आएको हो । वीरगन्ज महानगरपालिका र नेपाल युवा उद्यमी मञ्चको सहकार्यमा लामो समयदेखि बन्द रहेको घण्टाघर सञ्चालनमा ल्याईएको हो ।

घण्टाघरमा जडान गरिएको घडी आजदेखि सञ्चालनमा ल्याईएको वीरगन्ज महानगरपालिकाका नगर प्रमुख विजय कुमार सरावगीले बताउनुभयो । झण्डै ६ बर्ष पहिले नै तत्कालिन वीरगन्ज उपमहानगरपालिकाले नेपाल टेलिकम क्षेत्रीय कार्यालय वीरगन्जलाई घण्टाघर सञ्चालन गर्न जिम्मा दिएको थियो ।टेलिकमले भारतको केरला स्थित टुल एण्ड टाईम इञ्जिनिरिङ कम्पनीसँग घडी जडान र मर्मत सहित संचालनका लागि सम्झौता गरेको थियो । तर, घडी जडान भएपनि सम्झौता अनुसार काम हुन नसकेर घण्टाघरको घडी फेरी बन्द भएपछि महानगरपालिकाको वोर्ड बैठकबाट नेपाल टेलीकमसँग भएको सम्झौता रद्द गरेको थियो । महानगरपालिकाले घण्टाघर मर्मत सम्भार गरेर सञ्चालनमा ल्याएको र अब यसको सञ्चालन वीरगन्ज महानगरपालिकाले नै संचालन गर्ने महानगर प्रमुख सरावगीले बताउनुभयो ।

त्यसको लागि महानगरपालिकाले ५० लाख रुपैंया बजेट समेत विनियोजन गरेको बताउनुभयो । नेपाल टेलिकमले घण्टाघर सञ्चालन गर्न नसकेपछि सम्झौता रद्द गरिएको र अब वीरगन्ज महानगरपालिकासँग सम्झौता गरिएको घडी जडान कम्पनी टुल एण्ड टाईम इञ्जिनियरिङ्गका नेपाल प्रतिनिधि हृदयराज गौतमले बताउनुभयो ।


प्र तिक्रिया दिनुहोस !

सम्बन्धित खबरहरु

देशभरका रोट्रयाक्ट क्लबका अध्यक्ष र सचिवहरु हेटौंडामा भेला हुने
रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
युवालाई रोजगार सृजना गर्न ‘हाम्रो सानो प्रयास’ प्रशिक्षण
निजगढ अन्तर्राष्ट्रिय विमानस्थल निर्माणको काम अविलम्ब सुरू गर्न माग