पाकिस्तानको सियालकोटमा ठूलो सैन्य बेसमा एकपछि अर्को गरी कैयौं विष्फोट



काठमाडौं,६चैत । पाकिस्तानी सेनाको सियालकोट सैन्य बेसमा एकपछि अर्को गरी कैयौं विष्फोट भएका छन् । अहिलेसम्म यसबाट भएको क्षतिबारे विस्तृत विवरण प्राप्त भइसकेको छैन । स्थानीय मिडियाका अनुसार विष्फोटको आवाज कैयौं किलोमिटर टाढासम्म सुनिएको थियो ।
पाकिस्तानी अखबार डेली मिलापका सम्पादक रिशी सूरीले ट्वीट गरेर सियालकोटको मिलिट्री बेसमा कैयौं पटक विष्फोट भएको बताएका छन् । सुरुवाती जाँचमा यो एक हतियार भण्डारण स्थल भएको खुलासा भएको छ । अहिलेसम्म घटनाको कारण थाहा हुन सकेको छैन ।
स्थानीयले घटनामा अहिलेसम्म कसैको ज्यान नगएको बताएका छन् । पाकिस्तानी सेनाले यी विष्फोटबारे कुनै बयान जारी गरेको छैन । उत्तरी पाकिस्तानको सियालकोटमा पाकिस्तानी सेनाको ठूलो बेस छ । सियालको केन्ट एरिया पाकिस्तानको सबैभन्दा पुरानो र सबैभन्दा जरुरी केन्ट एरिया हो । यसको स्थापना १८५२ मा तत्कालीन बेलायती भारतीय सेनाले गरेको थियो ।


प्र तिक्रिया दिनुहोस !

सम्बन्धित खबरहरु

एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
नवलपरासीका मिटर ब्याज पीडितको काठमाडौंमा आन्दोलन
निजगढ अन्तर्राष्ट्रिय विमानस्थल निर्माणको काम अविलम्ब सुरू गर्न माग
विश्व रक्तदाता दिवसको अवसरमा विश्रामपुरमा आयोजित रक्तदान कार्यक्रममा ५ महिला सहित २६ जनाद्वारा रक्तदान