स्थानीय तहको निर्वाचनलाई लक्षित गरि भारतसँग सीमा जोडिएका पर्साका सबै नाकामा सशस्त्र प्रहरीको उच्च निगरानी



वीरगन्ज, १३ चैत । आसन्न स्थानीय तहको निर्वाचनलाई ध्यानमा राखेर सशस्त्र प्रहरीले भारतसँग सीमा जोडिएका पर्साका सबै नाकामा उच्च निगरानी थालेको छ । आसन्न निर्वाचनलाई ध्यानमा राखेर पर्साका सबै सीमा नाकामा निगरानी बढाइएको पर्साका सशस्त्र प्रहरी उपरिक्षक गणपति तेजप्रसाद पोखरेलले बताउनुभयो ।

उहाले सीमा क्षेत्रमा हुने विविध आपराधिक क्रियाकलापको न्यूनीकरणका लागि सीमा क्षेत्रमा उच्च निगरानी थालिएको बताउनुभयो । सशस्त्र प्रहरी मातहतका सबै युनिटलाई आवश्यकताअनुसार परिचालन गरी सबै सीमा क्षेत्रमा उच्च सतर्कता अपनाइएको भन्दैसशस्त्र प्रहरी उपरीक्षक पोखरेलले सीमित स्रोतसाधन र जनशक्तिलाई पूर्ण रुपमा सदुपयोग गरी सीमा क्षेत्रमा उच्च निगरानी बढाएको बताउनुभयो ।

पर्सा जिल्लामा सशस्त्र प्रहरी बलको पाँच वटा सुरक्षा बेस क्याम्प, १७ वटा बोर्डर आउट पोष्ट र तीनवटा सीमा निगरानी पोष्ट एफओवी रहेका छन् ।सीमा क्षेत्रमा हुने आपराधिक क्रियाकलाप तथा हातहतियार ओसारपोसार नियन्त्रण गर्ने मुख्य योजना रहेको सशस्त्र प्रहरी उपरीक्षक पोखरेलको भनाइ छ ।


प्र तिक्रिया दिनुहोस !

सम्बन्धित खबरहरु

देशभरका रोट्रयाक्ट क्लबका अध्यक्ष र सचिवहरु हेटौंडामा भेला हुने
रोट्रयाक्ट क्लब अफ वीरगन्ज मेट्रोपोलिसले जन्मदिनको अवसरमा बृक्षारोपण कार्यक्रम सफल तरिकाले पहल गरेको छ
एक खर्ब १३ अर्बभन्दा बढीको कच्चा भटमास, पाम र सनफ्लावर तेल आयत
युवालाई रोजगार सृजना गर्न ‘हाम्रो सानो प्रयास’ प्रशिक्षण